Фитнали саволга ҳикматли жавоб

1193

Савол: Assalоmu Alaykum! www.siyrat.uz hodimlari! Alloh Islom yolida qilayotgan hizmatlaringizni qabul qilsin! Вizni ham Islom diniga O’z kalomida«Kunuu Ansorolloh…» (saf surasi) buyirganidek ANSORlardan qilsin!

Sizlarga sabolim shundan iboratki? men ko’p islomiy saytlarni kuzatib boraman! Negadir bir nuqta meni juda qattiq qiziqtirib qoldi! Nega aynan o’zbek tilidagi islomiy saytlar Rаsulullohsollallohu alayhi vasallam(ota-onamiz u kishiga fido bolsin)ning JIHOD qilganliklarini gapirmaiydi! Ummatga yoritib bermaydi? ukishining jihod qilganliklarini yashiridai! NEGA? SHu jumladan sizlar ham! Nega ukishining JIHOD dagi sunnatlari, buyruqlari, sahobalarga jangda bergan talimotlari haqida gapirmaysizlar? Yoki biror bosim bo’lishidan qo’rqasizlarmi? Va bu ishlar shariatdanmi yoki siyratda qanday dalillar bor gapirmasligilaga? Yoki Rosululloh sollallohu alayhi vasallam JIHOD qilmaganmilar va  ummatlarini bunga buyurmaganmilar ?

Iltimos javobilarni kutaman! Biror bir ishorat qilinglar kutaman! Assalamu alaykum… Abu Ali O’shiy!

Жавоб: Бисмиллаҳир Роҳманир Роҳим.

Алҳамду лиллаҳи ваҳдаҳ, вассолату вассаламу ала ман ла набийя баъдаҳ.

Ассалому алайкум ва роҳматуллоҳи ва барокатуҳ.

Агар сиз бу ноўрин саволни беришда илмсизлик қилган бўлсангиз, илм ўқинг, Ислом динининг руҳини, моҳиятини ўрганинг… деган маслаҳатларни берардик.

Билиб туриб, атайлаб бу фитнали саволни ташлаётган бўлсангиз: «Илтимос, фитна қилманг…», деб айтамиз.

Дарвоқе, ёзганларингизда ўндан ортиқ имловий хатолар борки, бу ҳол саводингиз яхши эмаслигига ҳам далолат қилади (хафа бўлмайсиз):

Масалан: “Alaykum”, “hodimlari”,yolida”, “hizmatlaringizni”,sabolim”, yashiridai”, “ukishini”, talimotlari”, ishilar”, gapirmasligilarga”,javobilarni”…

Айниқса, “hodimlari” сўзи қаттиқ “х” билан ёзилади, чунки “hodim”нинг маъноси бузувчи, вайрон қилувчидир, xodim эса, хизмат қилувчи бўлади.

Яна лотин ҳарфида ёзишингиздан ёшингизнинг кичиклигини ҳам билдик.

Расулуллоҳ соллаллоҳу алайҳи васаллам: «Умматимнинг ҳалокати нодон ёшлар қўлларидадир!», дея огоҳлантирганлар (Имом Бухорий ривояти).

Ўша қавмдан бўлиб қолишдан эҳтиёт бўлинг…!

 

Мулоҳаза билдиринг