Ўқиш-ёзишни билмаганлар, уммий бўлганлар
Ўқиш-ёзишни билмаганлар, уммий бўлганлар.
Пайғамбаримиз соллаллоҳу алайҳи васалламнинг бир сифатлари «уммий» эканларидир. Яъни онадан қандай туғилган бўлсалар, шундай − ўқишни ҳам, ёзишни ҳам ўрганмай ўсганларидир. Бу сифат у Зотнинг ўзларига хос бўлиб, ҳақиқий Пайғамбар эканликларини тасдиқловчи мўъжизадир. Уммийлиги ҳаммага маълум ва машҳур бўлган кишидан Қуръондек мўъжиза каломнинг эшитилиши, турли ҳукм ва башоратлар чиқиши ул Зотнинг ягона Аллоҳнинг Пайғамбари эканликларига далолат қилмаса, нимага далолат қилади?!
Бунинг устига, ўша Пайғамбар ер юзидаги устозлардан таълим олмаган бўлса, ҳеч кимдан ёзишни ҳам, ўқишни ҳам ўрганмаган, балки дунёга келганидан сўнг бевосита Аллоҳнинг Ўзидангина таълим олган бўлса, бу − нечук улуғ саодат![1]
[1] «Тафсири Ҳилол», Аъроф сураси, 157 – 158- оятлар тафсири.
