Пайғамбаримиз соллаллоҳу алайҳи васаллам ҳақларидаги сериалга бир миллиард доллар сарфланадиган бўлди

Пайғамбаримиз Муҳаммад алайҳиссалом ҳақларидаги сериал бюджети бир миллиардга оширилди. Бу ҳақда сериал устида ишлаётган Қатарнинг «Alnoor Holding» компанияси маълум қилган. Бошда сериалга 150 млн доллар сарфланиши режалаштирилган эди. Компания хабар қилишича, сериал тўлиқ метражли 7 филмдан иборат. Филм инглиз тилида олиниб, сўнг бошқа тилларга таржима қилинади. Сериал сценарийсини бир гуруҳ экспертлар кўриб чиқишган. Улар орасида машҳур олим Шайх Юсуф Қаразовий ҳам бор. «Alnoor Holding» ушбу сериални 2009 йил эълон қилганди. Сериалга машҳур актёрлар, жумладан, Голливуд актёрларини жалб қилиш режалаштирилган.