Қурайш билан бирга ал-ҳумсга итоат этган қабилалар

Кинона ва Хузоъалар ҳам Қурайш билан бирга ал-ҳумсга кирган эдилар.

Ибн Ҳишом: менга Абу Убайда ан-Наҳвийнинг айтишича, Бани Омир ибн Саъсаъа ибн Муовия қабиласи ҳам уларга қўшилган.

Менга Амр ибн Маъдийкариб бу хусусда шу шеърни айтган эди:

Эй Аббос, агар бизнинг яхшиларимиз Таслисда бўлсалар,

Мен ортимдаги Аҳмосларнинг гирибонидан олмаган бўлардим.

Ибн Ҳишом: Таслис – араблар ўлкасидаги бир жой номи. Аҳмослар деб Бани Омир ибн Саъсаъани назарда тутган. Аббос деб эса Аббос ибн Мирдос ас-Суламийга ишора қилган. Зеро, Аббос ибн Мирдос Таслис деган жойда Али ибн Зубайдга ҳужум қилган эди.