Ҳабашистонга биринчи ҳижрат ҳақида

Ибн Исҳоқ: Расулуллоҳ соллаллоҳу алайҳи васаллам саҳобалари бошига келган бало­ни, ўзларининг эса Аллоҳ ҳузуридаги мавқелари ҳамда амакила­ри Абу Толибнинг ҳимояси сабабли омонда бўлганларини, бироқ саҳобаларини бошларига келган балолардан ҳимоя қила олмаётган­ларини кўриб, уларга: «Ҳабашистон ерига кетганингизда эди! Зеро, у ерда, ҳеч кимга зулм қилмайдиган подшоҳ бор. У жой ишончли ер­дир. Аллоҳ сизларни бундай қийин ҳолатдан қутқарарди», – дедилар. Шунда Расулуллоҳ соллаллоҳу алайҳи васалламнинг саҳобалари фитнага тушиб қолишдан қўрқиб, динлари билан Аллоҳнинг паноҳига қочиб, Ҳабашистон ерига чиқиб кетдилар. Бу Исломдаги биринчи ҳижрат эди.