Қурайшликларнинг Саъд ибн Убодани асирга олиши

Келган одамлар Минодан узоқлашди. Қурайшликлар бу хабарни яхшилаб сўраб-суриштиришди ва ниҳоят унинг юз берганини англаб, ансорларни излай бошлашди. Саъд ибн Убода ва Бани Соъида ибн Каъб ибн ал-Хазраж уруғидан бўлган ал-Мунзир ибн Амрга Азохирда етиб олишди. Уларнинг ҳар иккиси ҳам Ақабада вакил бўлишганди. Ал-Мунзир қурайшликлардан қочиб қутилди. Бироқ Саъдни ушлаб олишди. Икки қўлини уловининг юк тасмалари билан бўйнига боғлаб, уриб-суриб Маккага олиб кетишди. Унинг сочи қалин бўлгани учун кокилидан тортиб қийнашарди.