Алининг Қурайш изидан бориши

Расулуллоҳ соллаллоҳу алайҳи васаллам Али ибн Абу Толибни юбориб: «Қавмнинг из­идан бор. Уларнинг нима қилаётганини, нимани хоҳлаётганини кўр. Агар улар отларни қўйиб, туяларга минишган бўлса, Маккага кети­шаётган бўлишади. Агар отларни миниб, туяларни етаклаб кетиша­ётган бўлишса, Мадинага юзланган бўлишади. Жоним қўлида бўлган Зотга қасамки, агар Мадинага кетишаётган бўлса, Мен, албатта, Мадинада уларга қарши чиқаман, жанг қиламан», – дедилар. Али деди: «Мен уларнинг нима қилишаётганини кузатиб, изларидан бордим. Улар отларни етаклаб, туяларни миниб олишган эди. Улар Маккага юзланишганди».