Мусулмонларнинг ишлаётиб шеър ўқишлари
Ибн Исҳоқ: Мусулмонлар хандақни қазиб битиргунча қаттиқ ишладилар ва иш асносида Жуъайл исмли бир киши ҳақида ражаз вазнида шеър тўқидилар. Расулуллоҳ соллаллоҳу алайҳи васаллам унинг исмини Амр деб ўзгартирган эдилар[1].
Шеър:
Расулуллоҳ уни Жуъайлдан сўнг Амр деб номладилар,
Расулуллоҳ бахтсиз киши учун таянчдирлар.
Мусулмонлар шеър ўқиётиб, Амр деган жойга келганларида, Расулуллоҳ соллаллоҳу алайҳи васаллам «Амр» деб қўярдилар. Улар «Заҳр» (таянч) деган жойга келганларида, Расулуллоҳ соллаллоҳу алайҳи васаллам ҳам «Заҳр» деб қўяр эдилар[2].
[1] Жуъайл «қўнғизча» деганидир. Расулуллоҳ соллаллоҳу алайҳи васаллам атрофларидаги бир қанча
саҳобаларнинг исмларини маъноси номуносиб бўлгани учун ўзгартирганлар.
[2] Расулуллоҳ соллаллоҳу алайҳи васаллам шеърнинг охирида уларга қўшилардилар. Чунки у Зот шеър
эшитиб, уни маъқулласалар ҳам, ўзлари асло шеър айтмаганлар. Аллоҳ таоло дейди:
«(Муҳaммaдгa) шeърни тaълим бeрмaдик вa унгa (шoирлик) мумкин ҳaм эмaс». Ёсин:
69.
