Жориялари

3 йил аввал 4450 siyrat.uz

Жориялари  

  1. Райҳона розияллоҳу анҳо.[1]

Отаси: Амр ё Зайд ёки Шамъун. Миллати: Бани Исроил, яҳудий. Қабиласи: Бани  Назир (Бани Қурайза қабиласига келин бўлиб тушгани учун бу қабилага ҳам нисбат берилади). Туғилган жойи: Мадинаи Мунаввара, БаниНазир қабиласи. Мусулмон бўлган йили: ҳижрий 6 йил, муҳаррам ойи / мил. 627 йил май-июнь (Бани Қурайза ғазотидан бироз кейин). Расулуллоҳ соллаллоҳу алайҳи васалламга жория бўлган йили: ҳижрий 6 йил, муҳаррам ойи / мил. 627 йил май-июнь (Бани Қурайза ғазотидан бироз кейин). Расулуллоҳ соллаллоҳу алайҳи васалламга жория бўлган жойи: Мадинаи Мунаввара. Расулуллоҳ соллаллоҳу алайҳи васаллам уни жория қилиб олганларидаги ёшлари: 57 ёшу 10 ойлик. Бирга яшаган муддатлари: 4 йилу 11 ой. Вафот этган санаси: ҳижрий 10 йил, зулҳижжа ойи охири / мил. 632 йил март охирлари (Расулуллоҳ соллаллоҳу алайҳи васаллам Маккадан видолашув ҳажидан Мадинага қайтиб келаётганларида, яъни у Зотнинг вафотларидан 2 ярим ой олдин). Вафот этган жойи: Мадинаи Мунаввара. Жанозасини ўқиган: ҳазрати Умар розияллоҳу анҳу. Қабри: Мадинаи Мунаввара, Бақиъ қабристонида. Олдинги турмуши: Ҳакам Қуразий. Изоҳ: Райҳона розияллоҳу анҳонинг ҳусни чиройли ва одоби жуда гўзал бўлган.  

  1. Мория бинти Шамъун Қибтийя розияллоҳу анҳо.

Куняси: Умму Иброҳим. Отаси: Шамъун Қибтий. Онаси: румлик аёл. Миллати: қибтий (асл мисрлик). Туғилган жойи: Миср, Асют муҳофазаси, Нил дарёси бўйидаги Ҳафн (ҳозирги Шайх Убода) қишлоғи. Расулуллоҳ соллаллоҳу алайҳи васалламга жория бўлган йили: ҳижрий 7 йил / мил. 628 йил май – 629 йил апрель ораси. Расулуллоҳ соллаллоҳу алайҳи васалламга жория бўлган жойи: Мадинаи Мунаввара. Расулуллоҳ соллаллоҳу алайҳи васаллам уни жория қилиб олганларидаги ёшлари: 59 ёш. Бирга яшаган муддатлари: 4 йил. Вафот этган санаси: ҳижрий 16 йил, муҳаррам ойи / мил. 637 йил февраль (ҳазрати Умар розияллоҳу анҳунинг халифалик даврида). Вафот этган жойи: Мадинаи Мунаввара. Жанозасини ўқиган: ҳазрати Умар розияллоҳу анҳу. Қабри: Мадинаи Мунаввара, Бақиъ қабристонида. Расулуллоҳ соллаллоҳу алайҳи васалламдан кўрган фарзанди: Иброҳим. Изоҳ: Мория розияллоҳу анҳо оқ рангли, жингалак сочли ва ҳусни чиройли бўлган. [1] Жумҳур уламоларнинг рожиҳ (кучли, эҳтимоли кўп, ҳақиқатга яқин) қавлларига кўра, Расулуллоҳ соллаллоҳу алайҳи васалламга жория бўлган.




Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ