Ҳабашистондаги муҳожирларнинг қайтишлари

 

Хайбар юриши ниҳоясига етгач, Ҳабашистондаги Жаъфар ибн Абу Толиб, Абу Мусо Ашъарий билан уларнинг ҳамроҳлари қайтиб келишди. Пайғамбар алайҳиссалом мусофирчиликда ўн йил яшаган мусулмонларнинг қайтганидан бениҳоя хурсанд бўлиб, уларга Хайбарда қўлга киритилган ғаниматлардан бердилар. Абу Суфённинг қизи Умму Ҳабиба Жаъфар билан бирга қайтиб келди. Ўша вақтда Давс қабиласининг одамлари ҳам келиб мусулмонлар сафига қўшилган эди. Уларнинг орасида Абу Ҳурайра бор эди. Пайғамбар алайҳиссалом янги келганларни ҳам қуруқ қўймадилар.