Исмоил алайҳиссаломнинг умри, онасининг ватани ва вафоти

Ибн Исҳоқ: айтишларича, Исмоил алайҳиссалом бир юз ўттиз йил умр кўриб вафот этган (унга Аллоҳнинг раҳмат ва баракоти бўлсин!). У «Ҳижр» деб номланган жойда онаси Ҳожар билан ёнма-ён дафн қилинган (ҳаммаларига Аллоҳнинг раҳмат ва баракоти бўлсин!).

Ибн Ҳишом: араблар Ҳожар ҳам, Ожар ҳам дейишади, яьни «ҳо»ни «алиф»га айлантиришади. Масалан, «ҳароқа-л-моа» (сувни оқизди), «ароқа-л-моа» ва бошқа сўзлардаги каби. Ҳожар Миср халқидандир.