Бутун олам Пайғамбаримиз соллаллоҳу алайҳи васалламнинг таълимотларига муҳтождир

Бугунги кунимизда бутун олам Муҳаммад алайҳиссаломнинг зотларига, сифатларига ва таълимотларига қанчалик муҳтож эканини ўтган асрнинг буюк ақл эгаларидан бири, забардаст инглиз мутафаккири ва ёзувчиси Бернард Шоу ўзининг: «Агар Муҳаммад пайғамбар тирик бўлганида, замонамиз муаммоларини бир пиёла чой устида ҳал қилган бўлар эди», деган сўзлари билан ифодалаган эди. Агар буюк ёзувчининг бу сўзлари Бернард Шоуга ўхшаш ғарбликлар учун шон-шараф бўлса, Муҳаммад соллаллоҳу алайҳи васалламга умматликни даъво қилиб, у зотга эргашмай юрган шарқликлар учун ору номусдир. («Зикр аҳлидан сўранг».)