Рамазон ойида

1 ўн йил аввал 2208 siyrat.uz

Рамазон ойида (9-ой).

Аллоҳ таоло айтади:

«Рамазон ойи, бу ойда Қуръон нозил қилингандир».[1]

«Албатта, Биз у (Қуръон)ни Қадр кечасида нозил қилдик».[2]

«Албатта, Биз у (Қуръон)ни бир муборак кечада нозил қилдик...».[3]

«Кўпчилик уламоларнинг айтишларича, бу кеча рамазон ойидаги Қадр кечаси бўлиб, Қуръони карим ўша кечада нозил бўла бошлаган».[4]

Абу Ҳанифа раҳимаҳуллоҳнинг энг катта шайхи, катта тобеъинлардан бири, ҳадис ва фиқҳда имом – Омир аш-Шаъбий розияллоҳу анҳу айтадилар: «Мазкур уч оятдаги Қуръон нозил бўлиши ҳақидаги гапдан мурод – Қуръони каримнинг Расулуллоҳ соллаллоҳу алайҳи васалламга нозил бўла бошлаган пайтини билдиришдир. Ҳақиқатда, Қуръон рамазон ойида, муборак Қадр кечасида нозил бўла бошлаган».[5]

Пайғамбар соллаллоҳу алайҳи васаллам рамазон ойида Ҳиро ғорида бўлганларида, Жаброил алайҳиссалом илк ваҳийни олиб тушган эди.[6]

[1] Бақара сураси, 185-оят.

[2] Қадр сураси, 1-оят.

[3] Духон сураси, 3-оят.

[4] Алоуддин Мансур, «Қуръони карим маънолари таржимаси», Духон сураси, 3-оят изоҳи.

[5] Манноъ Қаттон, «Мабоҳису фий улумил Қуръон», 102-бет.

[6] Ибн Ҳишом,«Ас-сийратун набавия».

Аввалги мақола

Пайғамбаримиз соллаллоҳу алайҳи васалламнинг 9 хотинлари бор дейилган...

Кейинги мақола

17-18-21-кечаларнинг бирида

Мавзуга оид мақолалар