Мушрикларнинг Исломга кирган заиф кишиларга озор беришлари ва уларни диндан қайтариш орқали душманлик қилишлари

Ибн Исҳоқ: мушриклар Исломни қабул қилган ва Расулуллоҳ

соллаллоҳу алайҳи васалламга эргашган саҳобаларга душманлик қила бошладилар. Ҳар қабила ўз ичидаги мусулмонларга ёпирилди. Улар мусулмонлар­ни ҳибсга олиш, калтаклаш, оч ва ташна қолдириш, кун қизиганида Макканинг жазирама иссиғига ташлаб қўйиш орқали азоб бера бошладилар. Мушриклар ўз ораларидаги заиф кишиларни диндан қайтарар эдилар. мусулмонлардан баъзилари ўзларига етган синов­нинг қаттиқлигидан йўлдан озиб, динидан қайтар, яна бошқалари эса мушриклар олдида сабот кўрсатиб, мустаҳкам туришарди. Улар­ни Аллоҳ сақлар эди.