Мухайриқнинг ўлими

Ибн Исҳоқ: Уҳуд куни ўлдирилганлар ичида Мухайриқ ҳам бор эди. У Бани Салома ибн ал-Фатюн уруғидан эди. Уҳуд куни у: «Эй яҳудийлар! Муҳаммадга ёрдам бериш устингиздаги бурч эканини би­ласиз!» – деди. Улар: «Бугун шанба куни-ку!» – дейишди. У: «Сиз­лар учун шанба йўқ!» – деб, қиличи ва қурол-яроғини олиб: «Агар мен ўлдирилсам, менинг молим Муҳаммадникидир. Нимани хоҳласа, шуни қилсин!» – деди. Сўнг Расулуллоҳ соллаллоҳу алайҳи васалламнинг олдиларига кет­ди. У Зот билан бирга жанг қилиб, ўлдирилди. Менга айтиб бериш­ларича, Расулуллоҳ соллалоҳу алайҳи васаллам: «Мухайриқ яҳудийларнинг энг хайрлиси­дир» – деганлар.