Абу Лубобанинг қиссаси

4 йил аввал 950 siyrat.uz

Кейин улар Расулуллоҳ соллаллоҳу алайҳи васалламдан бу иш юзасидан маслаҳатлашиш учун Бани Амр ибн Авф  уруғидан бўлган Абу Лубоба ибн Абдул­Мунзирни улар олдига юборишларини сўраб одам юборишди. Бани Қурайза Авснинг иттифоқдоши эди. Расулуллоҳ соллаллоҳу алайҳи васаллам Абу Лубо­бани уларнинг олдига юбордилар. Абу Лубобани кўришлари билан яҳудийлар унинг олдига йиғилишди, аёллар ва ёш болалар ҳам унинг олдига келиб йиғлай бошлашди. Шунда у барчаларига жуда ачинди. Улар: «Эй Абу Лубоба, нима дейсан, Муҳаммаднинг ҳукми остига ту­шишимиз керакми?» – деб сўрашди. У: «Ҳа» – деди ва уларнинг қатл этилишларига шама қилиб, қўли билан бўғзига ишора қилди. Абу Лу­боба дейди: «Аллоҳга қасамки, оёқларим жойидан жилмасдан туриб мен Аллоҳ ва унинг Расули соллаллоҳу алайҳи васалламга хиёнат қилганимни тушундим». Кейин Абу Лубоба кетди ва Расулуллоҳ соллаллоҳу алайҳи васалламнинг олдиларига кел­мади. У ўзини масжид устунларидан бирига боғлаб, шундай деди: «Аллоҳ менинг тавбамни қабул қилмагунича, бу ердан кетмайман. Аллоҳга қасамки, Бани Қурайза ерларига бошқа қадам босмайман! Мен Аллоҳ ва унинг Расули соллаллоҳу алайҳи васалламга хиёнат қилган ўлкада бошқа кўринмайман!» – деди.

Ибн Ҳишом: Суфён ибн Уяйна Исмоил ибн Абу Холиддан, у Абдуллоҳ ибн Абу Қатодадан ривоят қилиб айтишича, Аллоҳ тао­ло Абу Лубоба хусусида ушбу оятни нозил қилди: «Эй иймoн кeлтиргaнлaр! Aллoҳгa вa Рaсулгa (буйруқлaригa) xиёнaт қилмaнгиз вa (бир-бирингиздaги қўйгaн) oмoнaтлaрингизгa (ҳaм) билиб туриб xиёнaт қилмaнгиз!»[1]

Ибн Исҳоқ: Расулуллоҳ соллаллоҳу алайҳи васаллам уни узоқ кутгандилар. Унинг хаба­ри келганида, Расулуллоҳ соллаллоҳу алайҳи васаллам: «Агар у менинг олдимга келгани­да эди, мен унинг ҳақига мағфират тилардим. У қилар ишни қилиб бўлгач, Аллоҳ унинг тавбасини қабул қилмагунча, мен уни жойидан бўшатиб юбора олмайман», – дедилар.

Ибн Исҳоқ: Менга Язид ибн Абдуллоҳ ибн Қусайт айтиб бериши­ча, Абу Лубобанинг гуноҳи Авф  этилгани ҳақидаги оят Расулуллоҳ соллаллоҳу алайҳи васаллам Умму Саламанинг уйидаликларида, саҳар вақтида нозил бўлди. Умму Салама дейди: «Расулуллоҳ соллаллоҳу алайҳи васалламнинг эрта тонгда кулаётган­ларини эшитдим ва «Нимадан куляпсиз, ё Расулуллоҳ соллаллоҳу алайҳи васаллам?!» – дедим. Расулуллоҳ соллаллоҳу алайҳи васаллам: «Абу Лубобанинг тавбаси қабул бўлди!» – дедилар. Мен: «Унга хушхабар берайми, ё Расулуллоҳ соллаллоҳу алайҳи васаллам!» – де­дим. Расулуллоҳ соллаллоҳу алайҳи васаллам: «Ҳа, агар истасанг», – дедилар. Кейин Умму Салама хонасининг эшиги ёнига (ўшанда уларга ҳали ҳижоб фарз қилинмаган эди) туриб: «Ҳой Абу Лубоба! Аллоҳ сенинг тавбангни қабул қилди!» – деди. Умму Салама дейди: «Одамлар уни ечиш учун югуриб келишди. Шунда у: «Йўқ, Аллоҳга қасамки, Расулуллоҳ соллаллоҳу алайҳи васаллам ўз қўллари билан ечиб юбормагунларигача, йўқ!» – деди. Расулуллоҳ соллаллоҳу алайҳи васаллам тонг намозига чиқаётганларида уни ечиб юбордилар».

Ибн Ҳишом: Абу Лубоба устунга боғланган ҳолда олти кун қолди. Ҳар намоз вақтида аёли келиб, намозни адо этиб олиши учун бўшатиб қўяр эди. Сўнг у яна ўзини устунга боғлаб оларди. Менга илм аҳлидан бўлган баъзи кишиларнинг айтиб беришларича, Аллоҳ таолонинг унинг тавбаси ҳақидаги ояти каримаси шудир: «Янa бoшқaлaри ҳaм бoрки, гунoҳлaрини тaн oлурлaр. Яxши ишни бoшқa – ёмoнигa aрaлaштириб юбoргaнлaр. Aллoҳ улaрнинг тaвбaлaрини шoяд қaбул қилсa. Aлбaттa, Aллoҳ кeчиримли вa рaҳмлидир»[2].


[1] Анфол: 27.

[2] Тавба: 102.




Мавзуга оид мақолалар
Тарихда бугун
Жумодал-ахиро ойининг 9-куни

Ҳижрий 1294-йил 9-жумодал-ахиро куни (милодий 1877-йил 21-июн)

Усмонлилар қўмондони Аҳмад Мухтор Пошо Андўлидаги «Ҳаляз» жангида Рус қўшини устидан ғалаба қозонди. 

Ҳижрий 1380-йил 9-жумодал-ахиро куни (милодий 1960-йил 28-ноябр)

Мавритания мустақилликка эришди ва халқ Мухтор валади Додани илк раиси этиб сайлади.

 



Видеолар
Мақолалар
"Имоми Аъзам" туркум суҳбатлар (5-қисм)
Салоҳиддин домла Шарипов
94
Китоблар

Динимиз фидойилари

...Албатта, Аллоҳ яхшилик қилувчиларни севадир. (Моида сураси, 13-оят) давоми...

Мўминалар силсиласи

MO’MINA AYOLLAR IBRATI (Muharrir muqaddimasi) Bismillahir rohmanir rohiym. Islom dinida insonlarning insonlardan farqi, faqat Allohga itoati, doimiy toati, taqvosi bilan belgilanadi. Alloh aytadi: "Albatta sizlarning Alloh nazdidagi eng давоми...

Расулуллоҳ соллаллоҳу алайҳи васаллам ва аҳли байт

Китобдаги сўз бошидан...     Бисмиллаҳир Роҳманир Роҳийм     Аллоҳ таолога ҳамду санолар, Аллоҳнинг Расулига салавот ва саломлар бўлсин!      Аммо баъд:    давоми...

Машҳур даҳолар сийрати

(Сияру аъламин нубало)  Китобнинг қайта ишланган ва тўлдирилган ушбу янги нашрига ўттиздан ортиқ уламо ва фузалолар ҳақидаги маълумотлар қўшимча киритилган бўлиб, оят-ҳадислар ва давоми...

Мавлуди шариф

Юртимизда, бошқа исломий ўлкаларда бўлганидек, мавлуди шариф маросимлари ўтказиб келинган ва уларда Пайғамбаримиз соллаллоҳу алайҳи ва салламга бағишланган турли наътлар, қасидалар, Навоий, Фузулий каби мумтоз давоми...

ИСЛОМ.УЗ ПОРТАЛИНИНГ САЙТЛАРИ