Расулуллоҳнинг Омина вафотидан кейин Абдулмутталибнинг қўлида, кейин Абу Толибнинг илкида қолишлари

3 йил аввал 2251 siyrat.uz

Онаси ўғлини Ҳалимадан қайтариб олгач, Адий ибн Нажжор авлодига мансуб эрининг тоғаларини йўқлаб Мадинага йўл олди. Зиёратдан қайтиб келаётганда Макка билан Мадина оралиғидаги Абво деган кентда тўсатдан вафот этди. Расулуллоҳни бувалари Абдулмутталиб ўз тарбиясига олди, Умму Айман парвариш қилди. Абдулмутталиб неварасини ҳаддан ташқари яхши кўрар, унинг истиқболига, келажакда улуғ одам бўлишига умид боғлагани учун ер-кўкка ишонмас эди. Пайғамбар алайҳиссалом саккиз ёшга кирганларида бувалари оламдан ўтди. Етим болани амакилари Абу Толиб ўз қарамоғига олди ва чинакам оталик меҳри билан суюб, ҳомийлик қилди. У қўл учида кун кечирадиган камбағал одам эди. Шундан кейин Аллоҳ у кишининг арзимас мол-дунёсига барака берди. Амакиларининг қарамоғида юрган пайтларида пайғамбар алайҳиссалом сабр-қаноати, одатда, ёш болалар берилиб ўйнайдиган маъносиз ўйинларга рағбати йўқлиги билан алоҳида ажралиб турардилар. Энагалари Умму Айманнинг ривоят қилишича, овқат маҳали бошқа болалар талашиб-тортишиб ейишса ҳам, Расулуллоҳ одоб сақлар, теккан улушига қаноат қилар эканлар.




Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ