Бани Саъд ибн Ҳузайм арабларининг элчилари

5 йил аввал 567 siyrat.uz

 

Пайғамбар алайҳиссаломнинг ҳузурларига Ҳузоа қабиласидан бани Саъд ибн Ҳузайм арабларининг элчилари ташриф буюришди. Улардан Нуъмон деган элчи бундай ҳикоя қилади: «Биз Расулуллоҳнинг ҳузурига келган пайтимизда араблардан ташқари кўпгина давлатлар у кишига бўйсуниб бўлган эди. Уларнинг бир гуруҳи ихтиёрий тарзда, иккинчи гуруҳи эса қиличдан қўрқиб бош эккан эди. Биз Мадинага келиб, қўналға топиб, жойлашганимиздан кейин масжидга йўл олдик. Биз етиб борганимизда Расулуллоҳ бир майитнинг жаноза намозини ўқиётган эканлар. Биз кўпчиликка қўшилиб жаноза намозини ўқимай, Расулуллоҳ бу ибодатни тугатишларини кутиб, бир четга чиқиб турдик. Расулуллоҳ намоздан фориғ бўлгач, бизни чақириб, кимлигимизни сўрадилар. Биз бани Саъд ибн Ҳузайм арабларидан эканлигимизни айтдик. «Мусулмонмисизлар?» деб сўрадилар Расуллуллоҳ. Биз мусулмонлигимизни, фақат Пайғамбарга байъат қилмай туриб намоз ўқиш дуруст бўлмасмикин, деб ўйлаганимизни айтдик. Расулуллоҳ: «Ислом динини қаерда қабул қилишингиздан қатъи назар, барибир, мусулмон ҳисобланаверасизлар», дедилар. Биз Расулуллоҳга қўл бериб, байъат қилдик ва қўналғамизга қайтиб кетдик. Орамиздаги энг кичигимизни нарсаларимизга қараб ўтиргани қолдирган эдик. Расулуллоҳ бундан хабар топиб, уни чақиртирдилар. Биз уни масжидга бошлаб бордик. У олдинга ўтди-да, мусулмон бўлганини билдириб, Пайғамбар алайҳиссаломга қўл берди. Биз: «Эй Расулуллоҳ, у бизнинг энг кичкинамиз ва хизматчимиз», дедик. Пайғамбар алайҳиссалом: «Қавмнинг хизматчиси қавмнинг хўжаси ҳисобланади. Аллоҳ уни барокатли қилсин», дедилар. Пайғамбар алайҳиссаломнинг дуолари шарофати билан у Қуръонни яхши ўқийдиган энг яхши одамларнинг бирига айланди. Биз Расулуллоҳдан қимматбаҳо совға-саломлар олиб юртимизга қайтдик.



Мавзуга оид мақолалар
Тарихда бугун
Жумодал-ахиро ойининг 9-куни

Ҳижрий 1294-йил 9-жумодал-ахиро куни (милодий 1877-йил 21-июн)

Усмонлилар қўмондони Аҳмад Мухтор Пошо Андўлидаги «Ҳаляз» жангида Рус қўшини устидан ғалаба қозонди. 

Ҳижрий 1380-йил 9-жумодал-ахиро куни (милодий 1960-йил 28-ноябр)

Мавритания мустақилликка эришди ва халқ Мухтор валади Додани илк раиси этиб сайлади.

 



Видеолар
Мақолалар
"Имоми Аъзам" туркум суҳбатлар (5-қисм)
Салоҳиддин домла Шарипов
94
Китоблар

Динимиз фидойилари

...Албатта, Аллоҳ яхшилик қилувчиларни севадир. (Моида сураси, 13-оят) давоми...

Мўминалар силсиласи

MO’MINA AYOLLAR IBRATI (Muharrir muqaddimasi) Bismillahir rohmanir rohiym. Islom dinida insonlarning insonlardan farqi, faqat Allohga itoati, doimiy toati, taqvosi bilan belgilanadi. Alloh aytadi: "Albatta sizlarning Alloh nazdidagi eng давоми...

Расулуллоҳ соллаллоҳу алайҳи васаллам ва аҳли байт

Китобдаги сўз бошидан...     Бисмиллаҳир Роҳманир Роҳийм     Аллоҳ таолога ҳамду санолар, Аллоҳнинг Расулига салавот ва саломлар бўлсин!      Аммо баъд:    давоми...

Машҳур даҳолар сийрати

(Сияру аъламин нубало)  Китобнинг қайта ишланган ва тўлдирилган ушбу янги нашрига ўттиздан ортиқ уламо ва фузалолар ҳақидаги маълумотлар қўшимча киритилган бўлиб, оят-ҳадислар ва давоми...

Мавлуди шариф

Юртимизда, бошқа исломий ўлкаларда бўлганидек, мавлуди шариф маросимлари ўтказиб келинган ва уларда Пайғамбаримиз соллаллоҳу алайҳи ва салламга бағишланган турли наътлар, қасидалар, Навоий, Фузулий каби мумтоз давоми...

ИСЛОМ.УЗ ПОРТАЛИНИНГ САЙТЛАРИ