Абу Лубоба ва шериклари

5 йил аввал 671 siyrat.uz

«Бошқалар эса гуноҳларини эътироф қилдилар: улар яхши ва ёмон амални аралаштириб қилганлардир. Шоядки, Аллоҳ уларнинг тавбасини қабул қилса. Албатта, Аллоҳ мағфиратли ва раҳмли Зотдир». Бу тоифадаги кишиларнинг яхшилик ва ёмонликлари тенгма-тенг келиб қолгандир. Ушбу оят тушишига сабаб бўлганлар Табук урушига бормай қолиб, сўнгра ўз ишларидан афсус-надомат қилиб, тавба этган кишилардир. Улар ғазотдан қолиб, жуда ёмон иш қилганлар, аммо чин кўнгилдан афсусланишлари яхши ишдир. Энди бундай табақадаги кишиларнинг ишлари Аллоҳнинг Ўзига ҳавола қилинади. Бу оятнинг нозил бўлиш сабаби ҳақида Ибн Жарийр Табарий роҳимаҳуллоҳ Убайд ибн Салмондан қилган ривоятда қуйидагиларни айтади: «Аз-Заҳҳокдан Аллоҳнинг «Бошқалар эса гуноҳларини эътироф қилдилар: улар яхши ва ёмон амални аралаштириб қилганлардир», деган ояти тўғрисида қуйидагиларни эшитдим: «Бу оят Абу Лубоба ва унинг шериклари ҳақида нозил бўлган. Улар Пайғамбаримиз соллаллоҳу алайҳи васаллам билан бирга Табук ғазотига бормай, ортда қолдилар. Расулуллоҳ соллаллоҳу алайҳи васаллам жўнаб кетганларидан кейин у Зотдан ажраб қолганларига афсус-надомат чекдилар. «Биз соя-салқинда овқатларни еб, хотинлар билан ўтирамиз-у, Аллоҳнинг Пайғамбари жиҳодда, қийинчиликда юрадими? Аллоҳга қасамки, ўзимизни устунларга боғлаб қўямиз, сўнгра то Аллоҳнинг Пайғамбари соллаллоҳу алайҳи васаллам ўзлари кечириб, ечмагунча ўзимизни ечмаймиз», дедилар. Сўнгра ўзларини ўзлари боғлаб қўйдилар. Улардан уч киши ўзини устунга боғлаёлмай қолди. Расулуллоҳ соллаллоҳу алайҳи васаллам ғазотдан қайтиб келиб, масжиддан ўтдилар. Масжид йўллари устида эди. Ҳалигиларни кўриб қолиб, улар ҳақида сўрадилар. У Зот соллаллоҳу алайҳи васалламга: «Булар Абу Лубоба ва унинг шериклари. Сиз билан бормай, ортда қолишган. Кўриб турганингиздек, ўзларини боғлаб қўйишди. Токи сиз уларни ечмагунингизча, ўзларини ўзлари ечмасликка Аллоҳни ўртага қўйиб, аҳд қилишди», дейилди. Шунда Аллоҳнинг Пайғамбари соллаллоҳу алайҳи васаллам: «Менга то уларни қўйиб юборишга амр қилинмаунча ечмайман. Токи Аллоҳ уларни афв этмагунча кечирмайман. Улар ўзларича мусулмон ғазотидан юз ўгирдилар», дедилар. Бас, Аллоҳ «Бошқалар эса гуноҳларини эътироф қиладилар» оятини то «Шоядки Аллоҳ уларнинг тавбасини қабул қилса»гача нозил қилди. «Шоядки» Аллоҳдан бўлса, «вожиб»ни англатади. Бас, Аллоҳнинг Пайғамбари уларни қўйиб юбордилар ва кечирдилар».




Мавзуга оид мақолалар
Тарихда бугун
Жумодал-ахиро ойининг 9-куни

Ҳижрий 1294-йил 9-жумодал-ахиро куни (милодий 1877-йил 21-июн)

Усмонлилар қўмондони Аҳмад Мухтор Пошо Андўлидаги «Ҳаляз» жангида Рус қўшини устидан ғалаба қозонди. 

Ҳижрий 1380-йил 9-жумодал-ахиро куни (милодий 1960-йил 28-ноябр)

Мавритания мустақилликка эришди ва халқ Мухтор валади Додани илк раиси этиб сайлади.

 



Видеолар
Мақолалар
"Имоми Аъзам" туркум суҳбатлар (5-қисм)
Салоҳиддин домла Шарипов
94
Китоблар

Динимиз фидойилари

...Албатта, Аллоҳ яхшилик қилувчиларни севадир. (Моида сураси, 13-оят) давоми...

Мўминалар силсиласи

MO’MINA AYOLLAR IBRATI (Muharrir muqaddimasi) Bismillahir rohmanir rohiym. Islom dinida insonlarning insonlardan farqi, faqat Allohga itoati, doimiy toati, taqvosi bilan belgilanadi. Alloh aytadi: "Albatta sizlarning Alloh nazdidagi eng давоми...

Расулуллоҳ соллаллоҳу алайҳи васаллам ва аҳли байт

Китобдаги сўз бошидан...     Бисмиллаҳир Роҳманир Роҳийм     Аллоҳ таолога ҳамду санолар, Аллоҳнинг Расулига салавот ва саломлар бўлсин!      Аммо баъд:    давоми...

Машҳур даҳолар сийрати

(Сияру аъламин нубало)  Китобнинг қайта ишланган ва тўлдирилган ушбу янги нашрига ўттиздан ортиқ уламо ва фузалолар ҳақидаги маълумотлар қўшимча киритилган бўлиб, оят-ҳадислар ва давоми...

Мавлуди шариф

Юртимизда, бошқа исломий ўлкаларда бўлганидек, мавлуди шариф маросимлари ўтказиб келинган ва уларда Пайғамбаримиз соллаллоҳу алайҳи ва салламга бағишланган турли наътлар, қасидалар, Навоий, Фузулий каби мумтоз давоми...

ИСЛОМ.УЗ ПОРТАЛИНИНГ САЙТЛАРИ