Жангнинг бошланиши

Юқорида айтиб ўтганимиздек, саҳиҳ ҳадис ва нақлларнинг далолат қилишича, жангнинг машруълиги ҳижратдан кейин бошланган. Бу машруълик Пайғамбаримиз соллалоҳу алайҳи васаллам Мадинага ҳижрат қилганларидан ўн икки ой кейин, Сафар ойида кучга кирган. Ўшанда Расулуллоҳ соллаллоҳу алайҳи васаллам биринчи марта ғазот нияти билан чиққанлар. Қурайш ва бани Ҳамза қабиласи билан уруш қилиш ниятида чиқилган бу ғазотнинг номи Ваддон эди. Лекин Пайғамбар алайҳиссаломдан бани Ҳамза ярашув сўраганлиги сабабли у Зот саҳобалари билан Мадинага жангсиз қайтганлар.