Ибн Исҳоқ: Молик ибн ан-Надрдан Фиҳр дунёга келди, унинг онаси Жандала исмли аёл бўлиб, ал-Ҳорис ибн Музоз ал-Журҳумийнинг қизи бўлган.
Ибн Ҳишом: ал-Ҳорис, Музознинг катта ўғли эмас.
Ибн Исҳоқ: Зул-Каъбот – Воил ва Иёднинг ўғиллари Бакр ва Тағлибларнинг Сандод деган жойдаги ибодатхоналари бўлган.
Ибн Исҳоқ: Ҳимяр ва Яман халқи Санъо шаҳрида ўзлари учун «Риом» деб аталувчи ибодатхона қуриб олган эдилар.
Ибн Ҳишом: мен юқорида Туббаъ қиссасида у ҳақида зикр қилиб ўтдим.
Ибн Исҳоқ: Қурайш қабиласи Каъба ичидаги қудуқ тепасига бир санамни ўрнатиб, унга ибодат қилар ва уни «ҳубал» деб аташарди.
Ибн Ҳишом: мен бу тўғрида, Аллоҳ хоҳласа, ўз ўрнида зикр қиламан.
Давс қабиласида ҳам Амр ибн Ҳумама ад-Давсийга қарашли Зул-каффайн деб аталувчи санам бўлган.
Ибн Ҳишом: мен бу бут ҳақида, Аллоҳ хоҳласа, кейинроқ, ўз ўрнида батафсил зикр қиламан.