Шартномани биринчи бўлиб яҳудийлар бузди

Расулуллоҳ соллаллоҳу алайҳи васаллам билан шартномаларини биринчи бўлиб бузганлар Бани Қайниқоъ яҳудийлари бўлди. Расулуллоҳга уруш очиб, саҳобаларга азият беришни бошладилар. Расулуллоҳ уларни ўн беш кун қамал қилиб турдилар. Мажбур бўлишиб ул Зотнинг ҳукмларига таслим бўлдилар. Иттифоқдошлари бўлган мунофиқларнинг бошлиғи Абдуллоҳ ибн Салул афв қилинишларини сўраб илтимос қилди. Расулуллоҳ уларни афв қилдилар. Буларнинг ичида қўлига қурол олган етти юз эллик киши бор эди. Заргарлик ва тижорат билан шуғулланган кишилар эди.