Ҳар икки тарафнинг ўзаро сулҳлашуви

Қабилалар урушга шайланиб турганларида ўртага сулҳ таклифи ташланди. Унга кўра, Абдуманоф авлодига ас-сиқоя ва ар-рафода, Абдуддор авлодига эса ал-ҳижоба, ал-ливо ва ан-надвалар берили­ши лозим эди. Иккала тарафга ҳам мазкур таклиф маъқул тушди ва сулҳга рози бўлиб, уришиш фикридан воз кечдилар. Икки тараф иттифоқдошлари ҳам ўз ўринларида қолдилар. Аллоҳ Ислом динини юборгунига қадар иш шу тарзда давом этди. Ислом келгач, Расулуллоҳ соллаллоҳу алайҳи васаллам «Жоҳилия давридаги ҳар қандай тинчлик битимларини Ислом фақат мустаҳкамлайди», – дедилар.