Сажла ва уни кавлаганлар

Ибн Исҳоқ: «Сажла»– Ал-Мутъим ибн Адийнинг қудуғи бўлиб, ҳозиргача ўша қудуқдан сув ичиб келадилар. Бани Навфалнинг таъкидлашича, Ал-Мутъим бу қудуқни Ҳошимнинг ўғли Асаддан сотиб олган. Аммо Бани Ҳошимга кўра, Ҳошим ўғиллари замзамни топгач,«Сажла»ни Ал-Мутъимга ҳадя қилганлар. Улар қуйидаги қудуқлардан ҳам беҳожат бўлганлар: «Ал-Ҳафр»қудуғини Умайя ибн Абдушамс ўзи учун кавлаган эди.«Суқия»ни Бани Асад ибн Абдулуззо кавлаган бўлиб, у Бани Асад қудуғидир.«Умму Аҳрод»ни Бани Абдуддор кавлаган. «Ас-Сунбула»ни Бани Жумаҳ кавлаган бўлиб, у Халаф ибн Ваҳбнинг қудуғидир. «Ал-Ғамр»ни эса Бани Саҳм кавлаган ва у шу қабила қудуғидир.