Расулуллоҳ соллаллоҳу алайҳи васалламнинг оналари у Зотнинг туғилганларини боболарига билдириши

Ибн Исҳоқ: Расулуллоҳ соллаллоҳу алайҳи васалламнинг оналари у Зотни дунёга келтирганидан сўнг боболари Абдулмутталибга бир киши орқали «Сиз набира кўрдингиз, бориб уни бир кўринг», деган хабар юборди. Боболари дарҳол етиб келди ва янги туғилган набирасига қаради. Шунда оналари бу Зотга ҳомиладор бўлган вақтда ўзига айтилган ғайбий гаплар ҳамда бу гўдакка нима деб исм қўйиш ҳақида қилинган буйруқларни айтиб берди.