Оминанинг вафоти ва Расулуллоҳ соллаллоҳу алайҳи васалламнинг боболари Абдулмутталиб билан қолишлари

Ибн Исҳоқ: Расулуллоҳ соллаллоҳу алайҳи васаллам олти ёшга етганларида оналари Омина бинт Ваҳб вафот этди. Ибн Исҳоқ: менга Абдуллоҳ ибн Абу Бакр ибн Муҳаммад ибн Амр ибн Ҳазм деди: Расулуллоҳ соллаллоҳу алайҳи васалламнинг оналари Омина у Зот олти ёшга кирганларида Макка билан Мадина оралиғида жойлашган Абво деган жойда вафот этди. Омина ўз ўғлини тоғалари Бани Адий ибн ан-Нажжор олдига олиб келган эди. Маккага қайтишда ажали етиб, Абвода вафот этди.