Варақа ва Ибн Жаҳшларга нима бўлгани

Улардан Варақа ибн Навфал насронийликни қабул қилиб, бу дин­да мустаҳкам бўлди. У илоҳий китобларни ўқишни ўрганиб, аҳли китоб олимлардан бирига айланди. Убайдуллоҳ ибн Жаҳш эса ҳақ динни излаб юриб, ниҳоят Исломга кирди. Сўнгра мусулмонлар билан бирга Ҳабашистонга ҳижрат қилди. У ўзи билан хотини Абу Суфённинг қизи Умму Ҳабибани ҳам олиб кетган, у ҳам муслима эди. Ҳабашистонга боргач, ибн Жаҳш насронийликни қабул қилиб, Ис­ломдан қайтди ва насроний ҳолида ўлиб кетди.

Ибн Исҳоқ: менга Муҳаммад ибн Жаъфар ибн аз-Зубайр деди: «Убайдуллоҳ ибн Жаҳш насроний бўлганидан сўнг Расулуллоҳ соллаллоҳу алайҳи васалламнинг саҳобалари олдидан ўтиб қолса, уларга қараб: «Бизнинг кўзимиз очилди, аммо сизларники ҳали ҳам ёпиқ», – дерди».