Иккинчи Ақаба байъатида биринчи бўлиб қўлини Расулуллоҳ соллаллоҳу алайҳи васалламнинг қўлига қўйган киши ҳақида

Ибн Исҳоқ: Бани Нажжор уруғи Абу Умома Асъад ибн Зурора Пайғамбар алйҳиссалом қўлига қўлини қўйган илк киши эди, деса-да, лекин Абдулашҳал уруғи бу Абул Ҳайсам ибн ат-Таййиҳондир, дейди.

Ибн Исҳоқ: Маъбад ибн Каъб ибн Молик биродари Абдуллоҳ ибн Каъбдан, у эса отаси Каъб ибн Моликдан менга шундай ривоят қилди: Расулуллоҳ соллаллоҳу алайҳи васалламнинг қўлларига қўл урган энг биринчи киши ал-Бароъ ибн Маърур эди. Сўнгра қолган вакиллар байъат беришди.