Асвад ибн Абдуласад ал Махзумийнинг ўлими

Ибн Исҳоқ: Асвад ибн Абдуласад ал-Махзумий баджаҳл, ёмон хулқли киши эди. У: «Аллоҳга ваъда бериб айтаманки, улар­нинг ҳовузларидан сув ичаман, ё уни бузиб ташлайман, ё ўша ерда ҳалок бўламан», – деб, йўлга чиқди. Ҳовузга яқинлашганида унинг рўпарасидан Ҳамза чиқди. Иккаловлари тўқнашгач, Ҳамза унинг оёғини болдирининг ярмидан узиб ташлади. У ҳовуз олдида орқага қараб йиқилди. Қон оёғидан шериклари тарафга қараб отилиб чиқар эди. Қасамини бажариш учун ҳовузга судралиб бориб, ўзини сув­га ташлади. ҳамза ортидан етиб келиб, уни ҳовузнинг ичида ўлдирди.