Қамал

5 йил аввал 607 siyrat.uz

Пайғамбар соллаллоҳу алайҳи васаллам аскаргоҳни бошқа жойга кўчирдилар ва шаҳарни қамал қилиш бошланди. Қамал йигирма кундан зиёд давом этди. Қаттиқ жанглар бўлди. Икки томон бир-бирларига камондан ўқ отдилар. Расулуллоҳ соллаллоҳу алайҳи васаллам ушбу урушда биринчи марта манжаниқ (палахмон, катапулғта) ишлатдилар. Қамал кучайиб борарди. Бир неча мусулмонлар камон ўқидан шаҳид ҳам бўлдилар. Уруш чўзилиб кетгандан кейин Пайғамбар соллаллоҳу алайҳи васаллам узумларни кесишга амр бердилар. Тоифликлар асосан узумчилик билан шуғулланишарди. Улар Расулуллоҳ соллаллоҳу алайҳи васалламдан Аллоҳ учун ва қариндошлик ҳаққи учун узумларни кесмасликни сўрадилар. У Зот соллаллоҳу алайҳи васаллам: «Мен уларни Аллоҳ учун ва қариндошлик ҳақи учун кесмай қолдираман», дедилар. Пайғамбар соллаллоҳу алайҳи васалламнинг жарчилари: «Қайси бир қул қўрғондан чиқиб, бизнинг олдимизга келса, ҳур бўлади!» деб жар чақирди. Ўндан ортиқ қуллар бу чақириққа жавобан қўрғондан қочиб чиқиб, мусулмон бўлдилар. Расулуллоҳ соллаллоҳу алайҳи васаллам уларнинг барчаларини қулликдан озод қилдилар ва мусулмонларга битта-биттадан бўлиб бериб, қарамоғларига олишларини топширдилар. Бу иш тоифликларга жуда ҳам қаттиқ таъсир қилди. Аллоҳ таоло Расулуллоҳ соллаллоҳу алайҳи васалламга Тоифни фатҳ қилишга изн бермади. У Зот Умар ибн Хаттоб розияллоҳу анҳуга одамларга ортга қайтиш ҳақида хабар беришни буюрдилар. Одамлар бу гапни эшитиб, шов-шув кўтаришди: «Тоифни фатҳ қилмай туриб, қайтамизми?» дейишди. Пайғамбар соллаллоҳу алайҳи васаллам уларга: «Бўлмаса жанг қилинглар», дедилар. Улар жангга ташланишди. Аммо анча-мунча жароҳатлар олдилар. Шунда Расулуллоҳ соллаллоҳу алайҳи васаллам: «Биз, иншааллоҳ, эртага жўнаймиз», дедилар. Кишилар шошилиб, жўнашга тайёргарлик кўра бошладилар. Бу ҳолни кўрган Пайғамбар соллаллоҳу алайҳи васаллам кулиб қўйдилар. Қайтаётганларида саҳобалардан бирлари: «Эй Аллоҳнинг Расули, Сақифга бир дуои бад қилинг», деди. Пайғамбар соллаллоҳу алайҳи васаллам: «Аллоҳим, Сақифни Ўзинг ҳидоят қилгин, уларни Ўзинг келтиргин!» дедилар. Дарҳақиқат, Сақиф қабиласи вакиллари кўп вақт ўтмай, келиб мусулмон бўлганларини эълон қилишди.




Мавзуга оид мақолалар
Тарихда бугун
Жумодал-ахиро ойининг 9-куни

Ҳижрий 1294-йил 9-жумодал-ахиро куни (милодий 1877-йил 21-июн)

Усмонлилар қўмондони Аҳмад Мухтор Пошо Андўлидаги «Ҳаляз» жангида Рус қўшини устидан ғалаба қозонди. 

Ҳижрий 1380-йил 9-жумодал-ахиро куни (милодий 1960-йил 28-ноябр)

Мавритания мустақилликка эришди ва халқ Мухтор валади Додани илк раиси этиб сайлади.

 



Видеолар
Мақолалар
"Имоми Аъзам" туркум суҳбатлар (5-қисм)
Салоҳиддин домла Шарипов
94
Китоблар

Динимиз фидойилари

...Албатта, Аллоҳ яхшилик қилувчиларни севадир. (Моида сураси, 13-оят) давоми...

Мўминалар силсиласи

MO’MINA AYOLLAR IBRATI (Muharrir muqaddimasi) Bismillahir rohmanir rohiym. Islom dinida insonlarning insonlardan farqi, faqat Allohga itoati, doimiy toati, taqvosi bilan belgilanadi. Alloh aytadi: "Albatta sizlarning Alloh nazdidagi eng давоми...

Расулуллоҳ соллаллоҳу алайҳи васаллам ва аҳли байт

Китобдаги сўз бошидан...     Бисмиллаҳир Роҳманир Роҳийм     Аллоҳ таолога ҳамду санолар, Аллоҳнинг Расулига салавот ва саломлар бўлсин!      Аммо баъд:    давоми...

Машҳур даҳолар сийрати

(Сияру аъламин нубало)  Китобнинг қайта ишланган ва тўлдирилган ушбу янги нашрига ўттиздан ортиқ уламо ва фузалолар ҳақидаги маълумотлар қўшимча киритилган бўлиб, оят-ҳадислар ва давоми...

Мавлуди шариф

Юртимизда, бошқа исломий ўлкаларда бўлганидек, мавлуди шариф маросимлари ўтказиб келинган ва уларда Пайғамбаримиз соллаллоҳу алайҳи ва салламга бағишланган турли наътлар, қасидалар, Навоий, Фузулий каби мумтоз давоми...

ИСЛОМ.УЗ ПОРТАЛИНИНГ САЙТЛАРИ