Амр ибн Маъдийкарибнинг юқоридаги шеърни айтиши сабаби

Ибн Ҳишом: менга Абу Убайданинг айтишига қараганда, Умар ибн ал-Хаттоб розияллоҳу анҳу  ўша вақтда Арманистонга юборилган қўшинга бошлиқ бўлган Салмон ибн Рабиъа ал-Боҳилийга мактуб йўллаб, араб отларини миниб жанг қилган аскарларга бошқа зотли отга миниб урушга қатнашганлардан кўра кўпроқ улуш беришини буюрди. Шундан сўнг Салмон отларни кўздан кечира бошлади ва навбат Амр ибн Маъдийкарибнинг отига етиб келганида, амир унга: «Бу отинг араб оти эмас», деди. Бундан Амр ғазабланиб: «Бир зоти паст ўзидек зоти пастни таниб қолибдими?»  деди. Шунда Қайс сакраб туриб, унга пўписа қилди. Амр эса шундан сўнг юқоридаги байтларни ўқиган экан.