Фил воқеаси ва насийнинг тарихи. Қуллайс биноси

Сўнг Абраҳа Яман пойтахти Санъода «Қуллайс» деб аталувчи бир каниса-черков қурдирди. Ўша пайтда бундай бино ер юзининг бирор ерида қад ростламаган эди.

Сўнг Нажошийга мактуб йўллаб: «Подшоҳим, мен сиз учун шундай каниса қурдирдимки, сиздан илгари ҳеч қайси подшоҳ учун бундай бино қурилмаган. Аммо мен ўз ишимни арабларнинг ҳаж зиёратини ушбу канисага бурмагунча тугатмайман»,  деди. Араблар Абраҳанинг Нажошийга ёзган мактубини эшитиб қолишгач, насий аҳлидан бўлган бир киши ғазабланиб кетди. У Фуқайм ибн Адий ибн Омир ибн Саълаба ибн ал-Ҳорис ибн Молик ибн Кинона ибн Хузайма ибн Мудрика ибн Илёс ибн Мударнинг ўғилларидан бири эди.