Тоиф аҳлининг Абраҳага таслим бўлиши

Ибн Исҳоқ: Тоиф аҳли Абраҳага: «Эй подшоҳ, бизлар сизнинг итоаткор қулларингизмиз. Бизнинг сизга ҳеч қаршилигимиз йўқ. Чунки сиз бузмоқчи бўлиб келаётган уй бизнинг уйимиз эмас (улар ўзлари ибодат қиладиган «ал-Лот»ни назарда тутишаётган эди) сиз Маккадаги уй – Каъбани бузмоқчи бўлиб келаяпсиз. Биз сизга бир йўлбошчи берамиз, у сизни Маккага бошлаб боради»,  дейишди. Шунда Абраҳа уларга тажовуз қилмади.

Ал-Лот  –  Тоифдаги ибодат қилинадиган уй бўлиб, уни Каъбадек улуғлашар эди.

Ибн Ҳишом: менга Абу Убайда ан-Наҳвий қуйидаги шеърни айтиб берган:

Сақифликлар ўз «Лот»ларига қочдилар,

Ноумид, зиёнкор кимсанинг қочганидек.