Бошқа қабилалар ва уларнинг бутлари

Исмоил алайҳиссалом авлодлари ва бошқалардан қуйидагилар шу бутларни ўзларига илоҳ қилиб олдилар:

Ҳузайл ибн Мудрика ибн Илёс ибн Мудар авлодлари «сувоъ»ни ўзларига илоҳ қилиб, Руҳот деган жойга ўрнатдилар. Қудоъадан бўлмиш Калб ибн Вабра уруғи «вадд»ни Думат ал-Жандал деган жойда илоҳ қилиб олишган эди.

Ибн Исҳоқ: Каъб ибн Молик ал-Ансорий шундай деган:

Энди лот, уззо ва ваддларни унутурмиз,

Улар устидан мунчоғу тақинчоқларни ечиб олурмиз.

Ибн Ҳишом: бу байт унинг бир қасидасида келтирилган. Уни, Аллоҳ хоҳласа, ўз ўрнида зикр этаман.