Филс, унинг саданаси ва бузилиши

Ибн Исҳоқ: Филс санами Тайй ва унинг ёнидаги икки тоғ – Салмо ва Ажаъ ҳалқининг ибодатхоналари эди.

Ибн Ҳишом: менга илм аҳлидан бирининг хабар беришича, Расулуллоҳ соллаллоҳу алайҳи васаллам у ерга Али ибн Абу Толибни юбордилар. Али ибн Абу Толиб уни бузганда, ичидан иккита қилич топди. Улардан бирини «ар-Расуб», иккинчисини «ал-Мухзам» дейиларди. Али розияллоҳу анҳу қиличларни Пайғамбар соллаллоҳу алайҳи васалламга олиб келди. Расулуллоҳ соллаллоҳу алайҳи васаллам уларни Али розияллоҳу анҳунинг ўзига совға қилиб бердилар. Шундай қилиб, улар Али розияллоҳу анҳунинг қиличларига айланди.