Ал-Баҳийра, ас-Соиба, ал-Васила ва ал-Ҳомийларнинг тарихи. Ибн Исҳоқнинг улар тўғрисидаги фикри
Ибн Исҳоқ: ал-Баҳийра – ас-Соибанинг қизи, ас-Соиба эса кетма-кет ўнта урғочи туя туққан она туядир. Уни ўз ҳолига ташлаб қўйилади, минилмайди, жуни олинмайди. Унинг сутини фақат меҳмон ичади. Агар у яна урғочи туя туғса, боласининг ҳам қулоқлари тешилиб, у ҳам онаси билан бирга қўйиб юборилади. Боласи ҳам минилмайди, жунлари олинмайди, унинг ҳам сути фақат меҳмонга берилади. Ана шу ўн биринчи урғочи туя «ал-Баҳийра» дейилади.
«Ал-Васила» эса беш марта кетма-кет урғочи эгизак қўзи туққан, уларнинг орасида эркак қўзи туғмаган она қўйдир. Унинг шу ўнта қўйдан кейин туққан боласи эркакларгагина ҳалол бўлиб, аёллар учун ҳаром ҳисобланган. Агар унинг болаларидан бирортаси ўлиб қолса, шунда гўштини истеъмол қилиш ҳаммалари: эркагу-аёл учун баробар ҳалол ҳисобланган.
Ибн Ҳишом: унинг шу ўнтадан кейин туққани – ўғил болалар учун ҳалол ҳисобланиб, қиз болалар учун ҳаром саналган.
Ибн Исҳоқ: ал-Ҳомий – пуштидан кетма-кет ўнта урғочи туя туғилган ва уларнинг орасида биронта ҳам эркак туғилмаган эркак туядир. Бундай туя ҳам ўз ҳолига қўйилиб, минилмаган, жуни олинмаган, туялар орасига қўйиб юборилиб, ҳеч нарсасидан фойдаланилмаган.
