Расулуллоҳ соллаллоҳу алайҳи васаллам баъзи саҳобаларнинг исмларини ўзгартирганларини ўқиганман. Мен ҳам исмимни ўзгартиришим керакми?

5 йил аввал 771 siyrat.uz

Савол: Менинг исмим «Туроб». Араб тилида «Туроб» тупроқ дегани экан. Расулуллоҳ соллаллоҳу алайҳи васаллам баъзи саҳобаларнинг исмларини ўзгартирганларини ўқиганман. Мен ҳам исмимни ўзгартиришим керакми? Жавоб: Бисмиллаҳир Роҳманир Роҳийм. Алҳамду лиллаҳи ваҳдаҳ, вассолату вассаламу ъала ман ла набийя баъдаҳ. Ассалому алайкум ва роҳматуллоҳи ва барокатуҳ.

Исломий маданиятга кўра, ҳар бир мусулмоннинг исми чиройли, маъноли, яхши тилакка эга бўлиши керак. Иложи борича, исмидан унинг мусулмон экани билиниб турсин. Исмлар шариат мезонида бир неча қисмга бўлинади: марғуб (тарғиб қилинган), жоиз, макруҳ ва ҳаром. Туроб исми жоиз исмлар турига киради, чунки «туроб» сўзи луғатда тупроқ, чанг каби маъноларни билдиради. Қолаверса, хокисорликка ҳам далолат қилади. Саҳл ибн Саъд розияллоҳу анҳудан ривоят қилинади: «Ҳазрати Али розияллоҳу анҳунинг ўзига энг маҳбуб исми Абу Туроб эди. У ўзини ўша исм билан чақирилишидан хурсанд бўларди. Уни Абу Туроб деб Набий соллаллоҳу алайҳи васалламнинг ўзлари номлаганлар. (Воқеа қуйидагича бўлган:)«(Ҳазрати Али) бир куни Фотима розияллоҳу анҳо билан аччиқлашиб қолиб, (уйдан) чиқади ва масжидга бориб, девор ёнига ёнбошлайди. Набий соллаллоҳу алайҳи васаллам уни ортидан излаб бориб, ёнбошлаб ётган ҳолида топадилар. Ҳазрати Алининг орқа тарафи тупроққа беланган эди. Шунда Набий соллаллоҳу алайҳи васаллам унинг орқа тарафидаги тупроқни силаб, қоқа бошладилар ва: «Ўтир, эй Абу Туроб», дедилар» (Бухорий, Муслим ва бошқалар ривояти).




Мавзуга оид мақолалар
Тарихда бугун
Жумодал-аввал ойининг 6-куни

Ҳижрий 322-йил 6-жумодал-аввал куни (милодий 934-йил 24-апрел) «Розий» лақаби билан танилган Абул Аббос Аҳмад Муқтадир ибн Муваффиқ Толҳа ибн Мутаваккил Аббосийлар давлати халифаси бўлди. У Аббосийлар давлатининг йигирманчи халифаси бўлиб, давлатни 7 йил бошқарган.

Ҳижрий 982-йил 6-жумодал-аввал куни (милодий 1574-йил 24-август) Усмонлилар давлати испанлар қўл остида бўлган Тунис давлатини «Ҳалқул-вод» қалъасини фатҳ қилгандан сўнг қўлга киритди. Бу жангда 6 мингга яқин испан ва италиялик жангчилар қатл қилинди, 3 минг аскар асир олинди ва 225 та қирол ўлжа қилиб олинди. 



Китоблар

Динимиз фидойилари

...Албатта, Аллоҳ яхшилик қилувчиларни севадир. (Моида сураси, 13-оят) давоми...

Мўминалар силсиласи

MO’MINA AYOLLAR IBRATI (Muharrir muqaddimasi) Bismillahir rohmanir rohiym. Islom dinida insonlarning insonlardan farqi, faqat Allohga itoati, doimiy toati, taqvosi bilan belgilanadi. Alloh aytadi: "Albatta sizlarning Alloh nazdidagi eng давоми...

Расулуллоҳ соллаллоҳу алайҳи васаллам ва аҳли байт

Китобдаги сўз бошидан...     Бисмиллаҳир Роҳманир Роҳийм     Аллоҳ таолога ҳамду санолар, Аллоҳнинг Расулига салавот ва саломлар бўлсин!      Аммо баъд:    давоми...

Машҳур даҳолар сийрати

(Сияру аъламин нубало)  Китобнинг қайта ишланган ва тўлдирилган ушбу янги нашрига ўттиздан ортиқ уламо ва фузалолар ҳақидаги маълумотлар қўшимча киритилган бўлиб, оят-ҳадислар ва давоми...

Мавлуди шариф

Юртимизда, бошқа исломий ўлкаларда бўлганидек, мавлуди шариф маросимлари ўтказиб келинган ва уларда Пайғамбаримиз соллаллоҳу алайҳи ва салламга бағишланган турли наътлар, қасидалар, Навоий, Фузулий каби мумтоз давоми...

ИСЛОМ.УЗ ПОРТАЛИНИНГ САЙТЛАРИ