Нажошийга юборилган мактуб
1 ўн йил аввал 2616 siyrat.uz
Ҳабашистоннинг подшоҳи Нажоший деб аталган. Ҳабашистон ажнабий тилларда Эфиопия дейилади. Ҳабашистон дунёдаги энг қадимги давлатлардан ҳисобланади. Пайғамбар соллаллоҳу алайҳи васалламнинг даврларида ҳам бу давлат ҳеч кимга бўйсунмаган мустақил давлат бўлган.
Ҳабашистонда масиҳийлик дини ҳукм сурган. Бу ҳақда авваллари ҳам айтиб ўтганмиз. Хусусан, Нажоший ҳақида муфассал гапирилган.
Расулуллоҳ соллаллоҳу алайҳи васалламнинг асл исми Асҳам ибн Абҳар бўлган Нажошийга Амр ибн Умайя аз-Зомрий розияллоҳу анҳу орқали йўллаган мактубларининг матни қуйидагича эди:
«Бисмиллаҳир роҳманир роҳийм. Муҳаммад Расулуллоҳдан Нажоший – Ҳабашистон улуғига. Ҳидоятга эргашганларга саломлар бўлсин. Аммо баъд:
Албатта, мен Ўзидан бошқа илоҳи маъбуд йўқ, Молик, Қуддус, Салом, Муъмин ва Муҳаймин бўлган Аллоҳга ҳамд айтаман. Албатта, Ийсо ибн Марям Аллоҳнинг руҳи ва тақводор, пок ва иффатли Марямга илқо қилган калимаси эканлигига, сўнг унга ҳомиладор бўлганлигига ва уни Одамни Ўз қўли ила халқ қилганидек, Ўзининг руҳи ва пуфлаши ила яратганига шаҳодат келтираман. Албатта мен сени шериги йўқ ёлғиз Аллоҳга ва Унинг тоатига даъват қиламан. Менга эргашишингга, менга келган нарсага ва менинг Аллоҳнинг Расули эканлигимга иймон келтиришингга даъват қиламан. Батаҳқиқ, етказдим ва насиҳат қилдим. Бас, насиҳатимни қабул қил. Ҳидоятга эргашганга саломлар бўлсин».
Нажоший мактубни катта эҳтиром билан кутиб олди. Мусулмон бўлди. У вафот этганида Расулуллоҳ соллаллоҳу алайҳи васаллам унга ғойибдан жаноза намози ўқидилар.
Аввалги мақола
Оиша онамиз Пайғамбаримиз соллаллоҳу алайҳи васалласга турмушга чиққанларида неча ёшда бўлганлар?
Кейинги мақола
Муқавқисга юборилган мактуб
Мавзуга оид мақолалар