Расулуллоҳ алайҳиссаломнинг ҳибара кийимлари

6 ой аввал 1666 siyrat.uz

Бу ерда Абу Саид Худрий розияллоҳу анҳу Набий соллаллоҳу алайҳи васалламдан юқоридаги ҳадисга ўхшашини ривоят қилган.

حَدَّثَنَا مُحَمَّدُ بْنُ بَشَّارٍ، قَالَ: حَدَّثَنَا مُعَاذُ بْنُ هِشَامٍ، قَالَ: حَدَّثَنِي أَبِي، عَنْ قَتَادَةَ، عَنْ أَنَسِ بْنِ مَالِكٍ، قَالَ: كَانَ أَحَبَّ الثِّيَابِ إِلَى رَسُولِ اللهِ صلى الله عليه وسلم، يَلْبَسُهُ الْحِبَرَةُ

Анас ибн Молик розияллоҳу анҳудан ривоят қилинади:

«Расулуллоҳ соллаллоҳу алайҳи васалламга кийган кийимлари орасидан энг суюклиси ҳибара (ҳибара – Ямандан келтириладиган пахталик ёки зайтун поясидан тўқиладиган устки кийим, кўпроқ зангори рангда бўлади) эди».

حَدَّثَنَا مَحْمُودُ بْنُ غَيْلانَ، قَالَ: حَدَّثَنَا عَبْدُ الرَّزَّاقِ، قَالَ: حَدَّثَنَا سُفْيَانُ، عَنْ عَوْنِ بْنِ أَبِي جُحَيْفَةَ، عَنْ أَبِيهِ، قَالَ: رَأَيْتُ النَّبِيَّ صلى الله عليه وسلم، وَعَلَيْهِ حُلَّةٌ حَمْرَاءُ، كَأَنِّي أَنْظُرُ إِلَى بَرِيقِ سَاقَيْهِ

قَالَ سُفْيَانُ: أُرَاهَا حِبَرَةً

Жуҳайфа розияллоҳу анҳудан ривоят қилинади:

«Набий соллаллоҳу алайҳи васалламни эгниларидаги қизил ҳулла (ҳулла – арабларда ридо ва изордан, яъни устки ва пастки либосдан иборат кийим) билан кўрдим. У зотнинг болдирларининг нур сочиб туриши ҳамон кўз ўнгимда».

Суфён раҳматуллоҳи алайҳ: «Эгниларидаги кийим (ҳулла эмас) ҳибара бўлса керак, деб ўйлайман», деган.

«Шамоил Муҳаммадий» китобидан

Абдулазиз Усмон таржимаси

 



Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ