Ибн ал-Аслатнинг Расулуллоҳ соллаллоҳу алайҳи васалламни ҳимоя қилиб айтган шеъри

Ибн Исҳоқ: абу Қайс ибн ал-Аслат Қурайшга куёв бўлиб, уларни яхши кўрар, аёли Арнаб бинт Асад ибн Абдулуззо ибн Қусай110 би­лан йиллар бўйи Қурайш юртида яшар эди. У бир қасида айтиб, унда Макканинг ҳурматини улуғлаб, Қурайшни у ерда уруш қилишдан қайтарди. Бир-бирларига ёмонлик қилишдан тийилишга чақирди, бошқалардан афзалликлари ва доноликларини эслаб, Расулуллоҳ соллаллоҳу алайҳи васалламга озор бермасликка чақирди. Аллоҳнинг уларни синаётгани ва илгари бошларига келган фил эгаларини улардан даф этганини эс­латди:

Эй чавандоз, мендан Луай ибн Ғолиб уруғига бориб етказ,

Бу бир кишининг пайғомидирки, уни сизларнинг ўртангиздаги иш­лар қўрқувга солди,

У бу ишлардан узоқда ва ундан хафадир.

Менинг наздимда ғамга ўрин бор,

Ундан ўз ҳожат ва заруратларимни ҳосил қилганим йўқ.