Абу Жаҳл ва у ҳақида туширилган оят

Аллоҳ мушрикларни қўрқитиш учун Заққум дарахтини зикр қилиб келтирганида Абу Жаҳл ибн Ҳишом: «Эй Қурайш жамоаси! Муҳаммад сизларни у билан қўрқитаётган Заққум дарахти нима эка­нини биласизларми?» – деди. Улар: «Йўқ» дейишди. Шунда у: «Бу Ясрибнинг ёғли хурмосидир. Аллоҳга қасамки, агар ундан қўлимизга киритгудек бўлсак, биттада еб қўямиз», – деди. Шунда Аллоҳ у ҳақида шу оятни туширди: «Албатта, (дўзахдаги) Заққум дарах­ти гуноҳкорларнинг таомидир. (У) қоринларда ёғдек қайнар, қайноқ сувнинг қайнашидек»175. Яъни у айтганидек эмас.