Робиъул-аввал ойининг 27-куни
- Ҳижрий 469-йил 27-робиъул-аввал куни (милодий 1076-йил 30-октябр) Андалуснинг энг буюк тарихчиси ва “Ал-муқтабис мин анба аҳлил-андалус”, “Ал-матин” китоби муаллифи Абу Марвон ибн Ҳайён ибн Халаф ибн Ҳусайн вафот этди.
- Ҳижрий 699-йил 27-робиъул-аввал куни (милодий 1299-йил 22-декабр) Илхония давлати султони Маҳмуд Ғозон билан Мамолик давлати султони Носир Қоловон ўртасида Ҳимснинг шарқий қисми “Маржул-муруж” деган жойда жанг бўлиб ўтди. Бу жангда Ғозон жангчиларининг қўли баланд келди ва сон жиҳатдан кўплиги сабаб, султон Носир жангчиларини ер тишлатди.
- Ҳижрий 1304-йил 27-робиъул-аввал куни (милодий 1886-йил 25-декабр) Мисрда катта ислоҳотлар олиб борган, хусусан аёлларнинг исломий таълим тарбиясига катта ҳисса қўшган ёзувчи адабиётшунос олима Малик Ҳафний Носиф хоним таваллуд топди.
Ҳанзала Ибн Абу Омир Ал-Ғасил[1] билан Абу Суфён бир-бирига рўбарў келишди. Ҳанзала Ибн Омир Абу Суфёндан устун келаётганида, буни Шаддод Ибн Ал-Асвад Ибн Шаъуб кўриб қолди ва зарба бериб, Ҳанзалани ўлдирди. Шунда Расулуллоҳ соллаллоҳу алайҳи васаллам: «Биродарингиз Ҳанзалани фаришталар ювинтириб қўймоқдалар», – дедилар. Аёлидан Ҳанзала ҳақида сўралганида, у: «(Жангга) чақириқни эшитиб, жунуб ҳолида чиқиб кетди», – деган эди.
Ибн Ҳишом: Яна бир ҳадисда Расулуллоҳ соллаллоҳу алайҳи васаллам: «Одамларнинг энг яхшиси отининг жиловини тутиб тайёр турган кишидир. У чақириқни эшитиши билан, у томон учади», – деганлар.
Ибн Исҳоқ: Расулуллоҳ соллаллоҳу алайҳи васаллам: «Ўшанинг учун уни фаришталар ювинтириб кетишган», – деганлар.
[1] Ювинтирилган.
