Қўшин юбориш

 

Пайғамбар алайҳиссалом Башр ибн Суфё Адвийни Ҳузоа қабиласига мансуб бани Каъб арабларидан закот олиш учун юбордилар. Бани Каъб арабларининг қўшнилари бани Тамим қабиласи уларни закот беришдан қайтарди. Бу хабарни эшитган Расулуллоҳ уларга қарши Уяйна ибн Ҳисн бошчилигида эллик кишилик қўшин юбордилар. Мусулмонлар қўшини бани Тамим қабиласи билан уришиб, ўн бир эркак, йигирма бир аёл, ўттиз нафар болани асир олиб қайтди. Пайғамбар алайҳиссалом асирларни Ҳориснинг қизи Рамланинг ҳовлисига қамаб қўйишни буюрдилар.