РАМАЗОН РЎЗАСИНИНГ НИЯТИ

6 ой аввал 1747 siyrat.uz

Барча ибодатларда бўлгани каби рўзада ҳам ният фарз ҳисобланади. Шунинг учун ҳар бир инсон ушбу улуғ ибодатни ният қилиш орқали адо қилади. Биров тонгдан қуёш ботгунга қадар ниятсиз ейиш, ичиш ва жимоъ қилишдан сақланса, унинг бу амали рўза ибодатига кирмайди.

Ният қилиш қандай бўлади:

Ният қалб амалидир. Рўза тутишни кўнглидан ўтказиш рўза нияти бўлади. Рўза тутишни кўнглидан ўтказиш билан бирга тил билан айтиш муcтаҳабдир. Саҳарлик қилиш учун туришнинг ўзи рўза нияти ўрнига ўтади.

Худди шунингдек, ният қилишда тонгдан қуёш ботгунга қадар вақтни ният қилиш шартдир. Чунки «совм» яъни рўза сўзи луғатда бир лаҳза бўлса-да ўзини тийиш, деган маънони англатади. Шунинг учун рўзамиз шунчаки бир лаҳза тийилишдан фарқ қилиши учун тонгдан бошлаб қуёш ботгунга қадар бўлган вақтни ниятимизга қўшиб қўямиз. Рамазон ойининг ҳар бир куни рўзаси учун алоҳида ният қилиш лозим.

Ниятнинг бошланиш ва охирги вақти:

Барча амалларда ниятнинг бошланиш вақти ўша амалнинг кириши билан бошланади. Шунга кўра Рамазон рўзасининг нияти тонг отиши яъни субҳи содиқдан бошланади. Аммо тонг вақтини ухламасдан кутиб ўтириш машаққат бўлгани учун, кечқурун ният қилса ҳам бўлади. Агар кечқурун ният қилишни унутиб тонг отганда ухлаб қолган бўлса, унда зоҳватул кубро вақтигача. яъни  катта чошгоҳ вақти кирмасидан олдин ният қилиб олса бўлади. Катта чошгоҳ вақтини Мулло Али Қори раҳматуллоҳи алайҳ «Ниқоя» китобининг шарҳида қуйидагича баён қилганлар:

Унинг (яъни наҳоруш шаръийнинг) вақти тонг чиққандан қуёш ботгунга қадар. Энди унинг ярми эса яъни катта чошгоҳнинг вақти эса кунинг ярмигача бўлган вақтдир. Мусанниф инсоннинг хаёлига луғавий наҳор келмаслиги учун наҳорни «наҳоруш шаръий» , деб қайд қилиб қўйдилар.

Луғавий наҳор бу қуёш чиққандан қуёш ботгунга қадар бўлган вақт.

Шаръий наҳор эса: тонг чиққандан қуёш ботгунга қадар бўлган вақтдир.

Абдулҳай Лакнавий раҳматуллоҳи алайҳ «Ҳидоя» китобининг шарҳида «Нисфун наҳориш шаръий» иборасини қуйидагича шарҳлаганлар:

«اعلم أنَّ النهار الشرعي من الصبح إلى المغرب، والضحوة الكبرى منتصفه، فينبغي أن تكون النية موجودة قبل الضحوة الكبرى »

«Шуни билки, шаръий наҳор бу субҳи содиқдан қуёш ботгунга қадар бўлган вақт. Зоҳватул кубро(катта чошгоҳ) эса ўша вақтнинг тенг ярмидир. Рўза дурус бўлиши учун катта чошгоҳ вақти кирмасдан олдин ният қилиб олиш лозим».

Демак, рўза ниятининг аввалги вақти субҳи содиқдан бошланса, охирги вақти: куннинг аввалги ярмигача давом этар экан. Бу, тахминан, Тошкент вақти билан соат 11:30 ларгача ният қилиб олиш лозим дегани.

Кимда ким ушбу вақтгача ухлаб қолиб, ният қилишга улгурмаган бўлса(яъни 11:30 дан кейин уйғониб қолса), у ўша куни рўзасини ўтказиб юборган бўлади. Ва қазосини тутиб беради. Лекин одоб юзасидан ўша куни қуёш ботгунга қадар еб ичиш ва жимо қилишдан ўзини тияди. (Валлоҳу Аълам)

Абу Абдуллоҳ Бухорий.

 



Мавзуга оид мақолалар
Тарихда бугун
Робиъул-аввал ойининг 8-куни
Ҳижрий 310-йил 8-робиъул-аввал куни (милодий 886-йил август ойида) Мунзир ибн Муҳаммад ибн Абдурраҳмон отаси вафотидан сўнг Андалус тахтига ўтирди.

Китоблар

Payg'ambarlar tarixi - Islomiyat tarixidir

  MUQADDIMA   Bismillahir rohmanir rohim. Alloh subhonahu va taolo ko‘z bilan ko‘rib turganimiz va ko‘zimizga ko‘rinmaydigan butun borliqni yaratgan qudrat sohibidir. Avval koinot yaratilib, undan so‘ng inson давоми...

Nurul-yaqin

Muhammad Xuzariy ibn shayx Afifiy XIX asrning oxiri, XX asrning boshlarida Misrning  Qohira shahrida yashab o‘tdi. U yashagan davr Misrda uyg'onish va maorif islohoti  harakatining boshlanish davri edi. M. Xuzariy islom dini hamda din tarixiga oid chuqur  tadqiqotlar olib bordi. "Muhozirot fiy tarixil ummamil Islomiya" (Islom davlatlari tarixi  haqida давоми...

Tarixi Muhammadiy

SO‘ZBOSHI   Bilmak kerakkim, har bir musulmon bolasi, xohi er kishi, xohi xotun kishi, xohi yosh,  xohi qari, mana shu tubandagi to‘rt narsaning tarixini bilishi albatta lozimdur.  I. Payg‘ambarimiz Muhammad alayhissalom tarixlari.  II. Qur’oni karim давоми...

Саодат асри қиссалари «Буюк фатҳ» (4-китоб)

ТАНИШТИРУВ Мана, саодат асридан ҳикоя қилувчи асарнинг ниҳоят тўртинчи китоби ҳам қўлингазда. “Интизор кутилган тонг», «Ойдинликлар сари», «Оламларга порлади қуёш» деб давоми...

Саодат асри қиссалари «Оламларга порлади қуёш» (3-китоб)

БАДР ИНТИҚОМИ УЧУН ҚАСАМ Абу Лаҳаб Маккада крлган, касаллиги туфайли Бадр жангига бора олмай, ўрнига бошқа одамни ёллаб жўнатган эди. Кетганлар изидан кунлаб йўл пойлади. Зафар давоми...

ИСЛОМ.УЗ ПОРТАЛИНИНГ САЙТЛАРИ