Расулуллоҳ келмоқдалар, Расулуллоҳ! (Танлов)

3 ой аввал 631 siyrat.uz

Зулмат тўрин ёриб бир нур келаётир, Худди денгиз тубидан дур чиқаётир, Сокинликни бузди бир товуш охир, Расулуллоҳ келмоқдалар, Расулуллоҳ! Дилда таҳлил, тилда тасбеҳ, қўлда Қуръон, Лабда кулгу, юзда зиё, қалбда иймон, Бугун дарёдек эди кичик оламон, Расулуллоҳ келмоқдалар, Расулуллоҳ! Барча шошган, майхўрларга ароқ таҳир, Бойвоччалар пул сочишди бирма-бир, Бенамозлар намоз ўқимоқда, ахир, Расулуллоҳ келмоқдалар, Расулуллоҳ! Кўкка чиққан телефонлар ерга тушди, Барча инсон масжид томон елдай учди, Аразлашган биродарин бағрин қучди, Расулуллоҳ келмоқдалар, Расулуллоҳ! Ўғрилар уятда, осийлар муттақий, Зиқнакашлар ўзгарди, бўлишди сахий, Дилдаги Ғарб туйғулар энди Исломий, Расулуллоҳ келмоқдалар, Расулуллоҳ! Келмоқдалар қадамлари тезроқ ва шаҳдам, Келмоқдалар юзлари ой мисоли тўлишган. Ўрта бўйли, олижаноб, камтар, мукаррам... Не дей, ахир, ул зот васфин айтиб бўлишган. Кенг елкали, кенг оғизли ва кенг икки кўз, Жаннатдан чиққан олмосдек гўё. Тавозеъ, келишган табассумли юз Барчани ром этган, барча унга маҳлиё. Хиноли соч елкагача тушиб турғуси, Ҳар қадамда елка сочни уради бот-бот. Соч ичиндан икки қулоқ - ҳилол ёғдуси, Кулгингизга илҳақ бўлди бутун коинот! Тишлари марвариднинг доналаридек, Киприклари узун, қошлари қалин, Сурмали кўзлари порлоқ қуёшдек, Қўллари эса ипакдан майин... Ер ул зотга ошиқ, ўралиб келар, Шамол сочларини майин силайди. У буни унутмагай ўтсада йиллар, Яна ул зот юзларига тегмоқ истайди. Устларида эса булут парвона, Остларида яшил, юмшоқ майсалар. Шу бугун майсага келди ҳавасим, Қанийди юзимни ҳам босиб қўйсалар... Бугун Ер учун тўй, Ер учун байрам, Расулуллоҳ юрмоқдалар унинг юзида. Бугун Ер бахтиёр, ҳурсанд чинакам, Чунки баҳор ҳавоси унинг сарғиш кузида. Ул зот ҳар юрганда тун ёришарди, Ҳар босилган из учун жонларим фидо... Ана, улар мен томонга қараб юрдилар, Шунда эшитилди аянчли нидо: "Тур болам, ўқишга кечга қоласан!" Мусулмоннинг ҳар бир кун, туни Ўтмоғи керак пок ва бегуноҳ. Бунинг учун дили айтсинки шуни: Расулуллоҳ келмоқдалар, Расулуллоҳ! Шамсуддин Файзиев Садруддин ўғли



Мавзуга оид мақолалар
Тарихда бугун
Жумодал-ахиро ойининг 9-куни

Ҳижрий 1294-йил 9-жумодал-ахиро куни (милодий 1877-йил 21-июн)

Усмонлилар қўмондони Аҳмад Мухтор Пошо Андўлидаги «Ҳаляз» жангида Рус қўшини устидан ғалаба қозонди. 

Ҳижрий 1380-йил 9-жумодал-ахиро куни (милодий 1960-йил 28-ноябр)

Мавритания мустақилликка эришди ва халқ Мухтор валади Додани илк раиси этиб сайлади.

 



Видеолар
Сийрат
25 дарс. Маҳзунлик йили
Абдул Азим Зиёуддин
20
Сийрат
24-дарс. Қамал даври
Абдул Азим Зиёуддин
141
Сийрат
23-дарс. Қурайш мушрикларининг беҳуда уринишлари
Абдул Азим Зиёуддин
149
Китоблар

Расулуллоҳ соллаллоҳу алайҳи васаллам ва аҳли байт

Китобдаги сўз бошидан...     Бисмиллаҳир Роҳманир Роҳийм     Аллоҳ таолога ҳамду санолар, Аллоҳнинг Расулига салавот ва саломлар бўлсин!      Аммо баъд:    давоми...

Мавлуди шариф

Юртимизда, бошқа исломий ўлкаларда бўлганидек, мавлуди шариф маросимлари ўтказиб келинган ва уларда Пайғамбаримиз соллаллоҳу алайҳи ва салламга бағишланган турли наътлар, қасидалар, Навоий, Фузулий каби мумтоз давоми...

Мавлид

Ушбу китоб халқимиз ўртасида «Мавлид» номи билан машҳур бўлган, улуғ олим, буюк адиб Саййид Жаъфар ибн Ҳасан Барзанжийнинг «Иқдул-жавҳар фи мавлидун-Набиййил-Азҳар» («Порлоқ юзли Набийнинг мавлидлари давоми...

Пайғамбаримиз соллаллоҳу алайҳи васалламни йиғлатган ҳодисалар

Insoniyat komiligining timsoli qilib yaratilgan Payg’ambarimiz ham nahotki ko’z yoshi to’kkan bo’lsalar? Qur'on va hadisda ko’z yoshi haqida nimalar dеyilgan? Payg’ambarimiz va sahobalar ko’zyoshlarining sabablari nimada? Ushbu kitobni o’qib shu kabi savollarga to’la javob olasiz. давоми...

Пайғамбаримиз соллаллоҳу алайҳи васалламнинг ҳазрати Али розияллоҳу анҳуга насиҳатлари

Бисмиллаҳир роҳманир роҳим. Аллоҳ субҳанаҳу ва таолога ҳамду сано бўлсин. У ҳамма нарсани Китобида баён қилди, каломи шарифининг барча асрорларини Расулига билдирди ва бизга йўл давоми...

ИСЛОМ.УЗ ПОРТАЛИНИНГ САЙТЛАРИ