Қурайшликларнинг Расулуллоҳ соллаллоҳу алайҳи васаллам қироатларига қулоқ солишлари қиссаси. Абу Суфён, Абу Жаҳл ва Ахнасларнинг Расулуллоҳ соллаллоҳу алайҳи васалламни тинглашлари

6 йил аввал 916 siyrat.uz

Ибн Исҳоқ: менга Муҳаммад ибн Муслим ибн Шиҳоб аз-Зуҳрийнинг сўзлаб беришича, унга шундай ҳикоя қилиб беришган экан: Абу Суфён ибн Ҳарб, абу Жаҳл ибн Ҳишом ва бани Зуҳранинг иттифоқдоши Ахнас ибн Шарийқ ибн Амр ибн Ваҳб ас-Сақафийлар бир куни кечқурун Расулуллоҳ соллаллоҳу алайҳи васаллам уйларида кечаси намоз ўқиётганларида, у Зотни тинглаш учун (бир-бирларидан бехабар) йўлга чиқишди. Улардан ҳар бири тинглаш учун ўз ўрнини эгалла­ди. Улардан бирортаси бошқасининг жойини билмас эди. Улар ке­чани тинглаб ўтказишди, тонг отгач эса тарқалишди. Йўлда тасоди­фан учрашиб қолиб, бир-бирларини маломат қилиб: «Бошқа қайтиб келманглар! Агар сизларни қайсидир нодонларингиз кўриб қолса. кўнглида шубҳа пайдо бўлади», – дея қайтиб кетишди. Иккинчи ке­часи бўлгач, ҳар бири ўз жойига қайтиб, яна кечани тинглаш билан ўтказиб, тонг отгач, тарқалишди. Йўлда яна учрашиб қолишгач, бир-бирларини аввалги сафардагидек маломат қилиб, қайтиб кетишди. Учинчи кечаси ҳам ҳар бири ўз жойини эгаллаб, тинглашди ва тонг отгач, тарқалишди. Йўлда яна учрашиб қолишгач, бир-бирларига: «То қайтиб келмасликка аҳдлашмагунимизча, бу ҳолда давом этавера­миз», – дейишди. Сўнг бир-бирларига ваъда бериб тарқалишди.




Мавзуга оид мақолалар
Тарихда бугун
Жумодал-аввал ойининг 16-куни

Ҳижрий 931-йил 16-жумодул-аввал куни (милодий 1524-йил 12-март) Россия Усмонлилар давлати билан «Бухарест» шартномасини имзолади. Шартномага кўра «Афлоқ» ва «Бағдод» вилоятлари Усмонлилар давлати ҳукмронлиги остида бўлади.

Ҳижрий 1356-йил 16-жумодул-аввал куни (милодий 1937-йил 24-июл) Ироқ ва Эрон давлатлари ўрталаридаги ўзаро зиддиятларни тинчлик йўл билан ҳал қилиш мақсадида беш йиллик тинчлик шартномасини туздилар.  



Китоблар
ИСЛОМ.УЗ ПОРТАЛИНИНГ САЙТЛАРИ