Пайғамбаримиз соллаллоҳу алайҳи васаллам неча йил умр кўрганлар?

Савол: Пайғамбаримиз соллаллоҳу алайҳи васаллам қамарий ва шамсий йиллар ҳисобида неча йил умр кўрганлар? Иложи бўлса, кунларигача маълумот берсангиз? Жавоб: Алҳамдулиллаҳ, вассолату вассаламу ала Расулиллаҳ, аммо баъд: Пайғамбаримиз соллаллоҳу алайҳи васаллам ҳижратдан 53 йил олдин (8, 9, 10 ёки 12) рабиул аввал ойида туғилиб, ҳижрий 11 йил (12, 13 ёки 14) рабиул аввалда вафот этдилар. Милодий тақвим бўйича, 571 йил (19, 20, 21, 22 ёки 23) апрелда таваллуд топиб, 632 йил (6, 7 ёки 8) июнда вафот этдилар. Энди бевосита савол-жавобга ўтамиз: Пайғамбаримиз соллаллоҳу алайҳи васаллам қамарий тақвимга кўра, 63 йилу бир неча кун, шамсий тақвим бўйича, 61 йилу икки ойча умр кўрганлар. У зотга Аллоҳ таолонинг энг афзал ва мукаммал салоту саломлари бўлсин, омийн.