Оиша онамиз Пайғамбаримиз соллаллоҳу алайҳи васалласга турмушга чиққанларида неча ёшда бўлганлар?

3 йил аввал 87233 siyrat.uz

   Савол: Оиша онамиз розияллоҳу анҳо Пайғамбаримиз Муҳаммад соллаллоҳу алайҳи васалламга турмушга чиққанларида неча ёшда бўлганлар?    Жавоб: Расулуллоҳ соллаллоҳу алайҳи васаллам ҳижратдан илгари Оишаи Сиддиқа розияллоҳу анҳога фотиҳаланганларида онамиз олти-етти ёшда бўлганлар. Ҳижратдан кейин оила қуриб яшашни бошлаганларида эса, онамиз тўққиз ёшга кирган эдилар. (Манба: Имом Бухорий ва бошқалар ривоят қилган ҳадислар).    Ҳадис: Оиша розияллоҳу анҳодан ривоят қилинади: «Расулуллоҳ соллаллоҳу алайҳи васаллам менга: «Сен тушимда менга уч кеча давомида кўрсатилдинг. Фаришта сени ипак кийимга ўраб, олдимга олиб келар ва: «Бу сизнинг аёлингиз», дерди. Юзингни очиб қарасам, у сен бўлардинг. Мен: «Агар бу туш Аллоҳнинг Ҳузуридан бўлса, Ўзи ўнгидан келтиради», деб айтардим», деганлар» (Бухорий ва Муслимлар ривояти).    Изоҳ: «Ҳозирда қиз болани бунчалик ёш ҳолда эрга беришни биров хаёлига сиғдира олмайди. Баъзи бир душманлар эса буни динга ва Пайғамбар соллаллоҳу алайҳи васалламга қарши ишлатишга ҳаракат қиладилар. Аммо икки тараф ҳам ўша вақтнинг шароитига, урф-одатига ва бошқа омилларга назар солишни ўйлаб ҳам кўрмайди. Ҳа, бу иш ўша пайтнинг одати эди. Ёш туриб никоҳланган қиз фақат Оиша онамиз эмасдилар. Балки у вақтларда аксари қизлар худди шу тариқа узатилар эди. Ёш қизга уйланиш фақат у Зотга тегишли бўлмай, балки у пайтда кўпчилик шундай қилар эди. Мутъим ибн Адийнинг оиласи Оиша онамизга Пайғамбар соллаллоҳу алайҳи васалламдан олдин совчи қўйгани ҳам бунга далил» (Шайх Муҳаммад Содиқ Муҳаммад Юсуф, «Ҳадис ва Ҳаёт», 25-жуз, 57-бет).  



Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ