Бани Мусталиқ ғазоти
3 йил аввал 2582 siyrat.uz
Кўпчилик уламолар иттифоқ қилган саҳиҳ ривоятга кўра бу ғазот ҳижрий бешинчи йили Шаъбон ойида бўлиб ўтган.
Ғазотнинг сабаби: Пайғамбаримиз соллаллоҳу алайҳи васалламга бани Мусталиқ қабиласи мусулмонларга қарши қўшин тўплаётгани, қўшин қўмондони Ҳорис ибн Зирор эканлиги хабари етказилгач, Расулуллоҳ соллаллоҳу алайҳи васаллам ҳам уларга қарши қўшин тортиб, улар билан Мурайсиъ номли қудуқ яқинида тўқнашдилар. Ўртада қаттиқ жанг бўлди. Аллоҳ таоло бани Мусталиқни мағлуб қилди. Тушган ўлжаларни Расулуллоҳ соллаллоҳу алайҳи васаллам пиёдага бир улуш, отлиққа икки улуш қилиб тақсимлаб бердилар. Бу ғазотда мусулмонлар билан бирга мунофиқлардан ҳам жуда кўпчилиги чиқишди. Ваҳоланки, улар авваллари ҳар хил баҳоналар билан ғазотдан қолиб кетишар эди. Бунинг сабаби, мунофиқлар бу сафар мусулмонлар ғалаба қилишларига кўзлари етар эди. Шунинг учун ўлжа олиш умидида қўрқмай жангга чиқавердилар.
Аввалги мақола
Пайғамбаримиз соллаллоҳу алайҳи васалламнинг 9 хотинлари бор дейилган...
Кейинги мақола
Бўҳтон
Мавзуга оид мақолалар