Кема ясашга амр

6 ой аввал 417 siyrat.uz

Аллоҳ таоло Нуҳ алайҳиссаломнинг бу дуоларини қабул қилди.

«Ва Нуҳга ваҳий қилинди: «Қавмингдан иймон келтирганлардан бошқа ҳеч ким иймон келтирмас, бас, уларнинг қилаётган ишларидан қайғуга тушмагин. Бизнинг риоятимиз ва ваҳийимиз ила кема ясагин ҳамда зулм қилганлар тўғрисида Менга гап очмагин. Албатта, улар ғарқ қилингувчилардир» («Ҳуд» сураси, 36-37-оятлар).

Даъват керагича қилинди, тушунтирилди, иймонга келадиганлар келиб бўлди. Қолганлар гап-сўз, насиҳат таъсир қилмайдиганлардир. Энди улар иймон келтирмайдилар.

Эй Нуҳ!

«Қавмингдан иймон келтирганлардан бошқа ҳеч ким иймон келтирмас, бас, уларнинг қилаётган ишларидан қайғуга тушмагин».

Сен ўз вазифангни бажариб қўйдинг. Улардан сенга зарар етмайди. Улар нима бўлса, бўлдилар. Уларни Аллоҳнинг Ўзига ҳавола қил. Ўзинг эса:

«Бизнинг риоятимиз ва ваҳийимиз ила кема ясагин…».

Кема ясашингни Биз риоямизга оламиз ва Ўзимиз ваҳий орқали ўргатиб турамиз.

«…зулм қилганлар тўғрисида Менга гап очмагин. Албатта, улар ғарқ қилингувчилардир».

Иймон келтирмаганлар ўзларига катта зулм қилдилар: улар азобга дучор бўладилар. Албатта, ҳаммалари ғарқ бўладилар. Сен эса уларни кечириш, азобдан сақлаб қолиш ҳақида Менга сўз очма. Уларнинг куни битган. Энди ҳеч нарсани ўзгартириб бўлмайди.

«У кема ясаркан, қавмининг зодагонлари қа­чон унинг олдидан ўтсалар, уни масхара қил­дилар. У деди: «Агар бизни масхара қилсангиз, албатта, биз ҳам худди бизни масхара қилга­нингиздек, сизни масхара қилурмиз. Бас, яқин­да кимга расво қилувчи азоб келишини ва кимнинг устига доимий азоб тушишини билиб олурсиз» («Ҳуд» сураси, 38–39-оятлар).

Нуҳ алайҳиссалом Аллоҳ таолонинг амрини бажо келтириб, кема ясамоқдалар.

У зот яқинда келадиган тўфондан ўзларининг ва иймон келтирган оз сонли кишиларнинг қутулиб қолишига сабаб бўлгувчи кемани ясамоқдалар. У зотнинг бу ҳаракатлари кофирларга кулгили кўринди. У киши кема ясамоқдалар-у:

«…қавмининг зодагонлари қачон унинг олдидан ўтсалар, уни масхара қилдилар».

Кечагина «Пайғамбарман, Аллоҳдан менга ваҳий келди», деб юрган одамнинг бугун нажжорлик қилиб, кема ясаши улар учун кулгили эди. Лекин Нуҳ алайҳиссалом бу ишни ўзларича қилаётганлари йўқ. Кема ясаш ҳам Аллоҳнинг ваҳийси ила бўлмоқда. Шунинг учун у зот мутлақо жиддийлик билан ишламоқдалар ва мутлақо мустаҳкам ишонч ила:

«Агар бизни масхара қилсангиз, албатта, биз ҳам худди бизни масхара қилганингиздек, сизни масхара қилурмиз», дедилар.

Чунки у зот Аллоҳдан келган ваҳий орқали ўзларининг қутулиб қолишларини ва масхара қилаётган кофирларнинг ғарқ бўлишларини яхши биладилар. Шунинг учун сўзларининг давомида:

«Бас, яқинда кимга расво қилувчи азоб келишини ва кимнинг устига доимий азоб тушишини билиб олурсиз», дедилар.

«Азоб кимга келади – бизгами, сизгами, ўшанда кўрамиз». Ана ўшанда ҳақиқий масхара қилиш вақти келади.

«Ҳадис ва Ҳаёт. 20-жуз. Анбиёлар қиссаси» китобидан




Мавзуга оид мақолалар
Тарихда бугун
Робиъул-аввал ойининг 8-куни
Ҳижрий 310-йил 8-робиъул-аввал куни (милодий 886-йил август ойида) Мунзир ибн Муҳаммад ибн Абдурраҳмон отаси вафотидан сўнг Андалус тахтига ўтирди.

Китоблар

Payg'ambarlar tarixi - Islomiyat tarixidir

  MUQADDIMA   Bismillahir rohmanir rohim. Alloh subhonahu va taolo ko‘z bilan ko‘rib turganimiz va ko‘zimizga ko‘rinmaydigan butun borliqni yaratgan qudrat sohibidir. Avval koinot yaratilib, undan so‘ng inson давоми...

Nurul-yaqin

Muhammad Xuzariy ibn shayx Afifiy XIX asrning oxiri, XX asrning boshlarida Misrning  Qohira shahrida yashab o‘tdi. U yashagan davr Misrda uyg'onish va maorif islohoti  harakatining boshlanish davri edi. M. Xuzariy islom dini hamda din tarixiga oid chuqur  tadqiqotlar olib bordi. "Muhozirot fiy tarixil ummamil Islomiya" (Islom davlatlari tarixi  haqida давоми...

Tarixi Muhammadiy

SO‘ZBOSHI   Bilmak kerakkim, har bir musulmon bolasi, xohi er kishi, xohi xotun kishi, xohi yosh,  xohi qari, mana shu tubandagi to‘rt narsaning tarixini bilishi albatta lozimdur.  I. Payg‘ambarimiz Muhammad alayhissalom tarixlari.  II. Qur’oni karim давоми...

Саодат асри қиссалари «Буюк фатҳ» (4-китоб)

ТАНИШТИРУВ Мана, саодат асридан ҳикоя қилувчи асарнинг ниҳоят тўртинчи китоби ҳам қўлингазда. “Интизор кутилган тонг», «Ойдинликлар сари», «Оламларга порлади қуёш» деб давоми...

Саодат асри қиссалари «Оламларга порлади қуёш» (3-китоб)

БАДР ИНТИҚОМИ УЧУН ҚАСАМ Абу Лаҳаб Маккада крлган, касаллиги туфайли Бадр жангига бора олмай, ўрнига бошқа одамни ёллаб жўнатган эди. Кетганлар изидан кунлаб йўл пойлади. Зафар давоми...

ИСЛОМ.УЗ ПОРТАЛИНИНГ САЙТЛАРИ